Miss Uwizeye Vivine w’ibiro 179 aterwa ishema n’ingano ye kandi ni n’umunyamideli - Amafoto

Chief Editor | 26-08-2016
Miss Uwizeye Vivine w’ibiro 179 aterwa ishema n’ingano ye kandi ni n’umunyamideli - Amafoto

Miss Uwizeye Vivine, yabaye Nyampinga w’abakobwa babyibushye mu mwaka wa 2011, nyuma yo guhatana n’abandi bo hirya no hino mu gihugu bigaragara ko babyibushye cyane kandi bafite ibiro byinshi. Ubu we afite ibiro 179 kandi aterwa ishema n’ingano ye.

Miss Uwizeye Vivine, ni umwe mu bakobwa babyibushye baterwa ishema n’uko bangana n’ubwo agerageza uko ashoboye ngo umubyibuho we ugabanuke cyangwa we kurushaho kwiyongera. Yatangaje mu kiganiro ’Amahumbezi’ cya Radio Rwanda ko ajya agerageza gukora siporo kugirango abashe kunanuka.

Miss Vivine ajya anategura ibikorwa bitandukanye by’imideli y’ababyibushye

Miss Uwizeye Vivine, avuga ko ajya abasha gukora siporo yo koga, kandi buri gitondo akaba anywa ibirahure 6 by’amazi kugirango arwanye kwiyongera k’umubyibuho afite. Gusa n’ubwo abyibushye cyane, avuga ko bitamubuza kwambara akaberwa, ndetse ubu ni n’umunyamidelikazi ukorana na bagenzi be babyibushye.

Miss Vivine anywa ibirahure 6 buri gitondo kugirango arwanye gukomeza kubyibuha

KANDA HANO UREBE VIDEOS UTASANGA AHANDI