Mu mitoma myinshi, Knowless yavuze imyato urwo akunda Clement baherutse gukora ubukwe

Chief Editor | 1-09-2016
Mu mitoma myinshi, Knowless yavuze imyato urwo akunda Clement baherutse gukora ubukwe

Mu gihe bari mu kwezi kwabo kwa buki, Knowless na Clement bongeye kwerekana ko bari mu buryohe bw’urukundo bw’ubuzima bushya binjiyemo ubwo batangiraga kubana nyuma y’ubukwe bakoze tariki 7 Kanama 2016. Uyu muhanzikazi, mu magambo yuzuye imitoma myinshi yongeye gushimangira urwo akunda umugabo we.

Kuri uyu wa Kane tariki 1 Nzeri 2016, Ishimwe Clement, umugabo wa Jeanne D’Arc Ingabire uzwi mu ruhando rwa muzika nka Knowless Butera, yagize isabukuru y’amavuko, bivuga ko ari umunsi w’ibirori uje ubasanga n’ubundi bakiri mu buryohe bw’ukwezi kwa bucyi bamazemo ibyumweru birenga bitatu.

JPEG - 59.4 kb

Mu kwifuriza umugabo we isabukuru nziza y’amavuko, Butera Knowless yerekanye ko uretse kwandika indiririmbo yamenya no kwandika ibisigo by’imitoma, maze abinyujije ku rubuga nkoranyambaga rwa Instagram yongera kuvuga imyato urwo amukunda.

JPEG - 51.1 kb

Knowless ati: "Twasezeranye ko buri wese muri twe azakura agasazana n’undi. Uko imyaka igenda, nawe ukaba wongeye umwaka umwe ku yo wari ufite, ku munsi w’isabukuru yawe y’amavuko nibukijwe uburyo byari iby’igikundiro igihe cyose nari ndi kumwe nawe. Reka twizihize uyu munsi twifuza ko buri munsi na buri kanya ko mu gihe kizaza, byazaba iby’agahebuzo nk’uko byagiye bigenda... Isabukuru nziza mukundwa, ndagukunda Clement Ishimwe mugabo wanjye."

JPEG - 39.8 kb

Butera Knowless na Clement bakoze ubukwe mu kwezi gushize nyuma y’igihe bakundana urukundo rwagaragariraga benshi ndetse bivugwa ko hari n’indirimbo Knowless yabaga yahimbiye Clement, ariko bombi bageragezaga kubihakana mu bitangazamakuru n’ubwo byabaye aka wa mutima ukunda utabasha kwihishira.

UMVA HANO INDIRIMBO NSHYA YA KNOWLESS YITWA "UJUMBE":

KANDA HANO UREBE VIDEOS UTASANGA AHANDI