Nyina wa Diamond yariye karungu, arashaka ko impaka zizamarwa n’amafoto

Chief Editor | 26-08-2016
Nyina wa Diamond yariye karungu, arashaka ko impaka zizamarwa n’amafoto

Nyina wa Diamond bakunze kujyana ahantu henshi akanamushimira cyane

Nyina w’icyamamare Diamond Platnumz, Sanura Kasimu bakunda kwita Sandra, yariye karungu nyuma y’amagambo akomeje kuvugwa muri Tanzania ko uyu muhanzi yita kuri nyina gusa mu gihe se abayeho mu buzima buteye agahinda, akaba ashaka kuzifashisha amafoto mu kwerekana ko batamwirengagiza

Abdul Juma, se wa Naseeb Juma wamamaye nka Diamond, yataye uyu muhungu we na nyina ubwo yari akiri umwana muto w’imyaka 6 y’amavuko, kuva ubwo bakaba batarongeye kubana ukundi.

JPEG - 56.9 kb

Iyi foto igaragaza Diamond na nyina uko bameze ubu n’uko se yabataye bameze.

Diamond amaze kuba icyamamare, yakomeje kubana na nyina ndetse aramufasha abaho neza, mu gihe bivugwa ko ntacyo afasha se n’ubwo nyina akaba ari nawe wahoze ari umugore wa Adbul Juma we abihakana.

Kuri uyu wa Kane, Sandra yabwiye Milliard Ayo TV yo muri Tanzania n’uburakari bwinshi, ko ababazwa n’ibigenda bivugwa ku muhungu we, bamubeshyera ko ntacyo afasha se urwaye kandi ubayeho nabi.

Yagize ati: "Abantu barimo kwandika ibintu bibi ku muhungu wanjye, bamwe bavuga ko yanze se kandi ntacyo amufasha, ariko ibyo byose ni ibinyoma. Buri gihe mu mpera z’ukwezi, umuhungu wanjye Nasseb yoherereza Se amafaranga nk’uko ayanyoherereza akanayaha mushiki we. Nibaza impamvu abantu bazana ibinyoma ku muhungu wanjye. Ajye agenda amuteruye bifotozanye se kugirango akunde abyemeze abantu? "

JPEG - 114.7 kb

Bivugwa ko Se wa Diamond abayeho nabi mu gihe umuhungu we yabaye umuherwe

Se wa Diamond, amaze igihe afite uburwayi bw’uruhu ndetse n’ubwo mu kaguru, akaba yibera ahitwa Mwembe Chai mu karere ka Kagera. Sandra wahoze ari umugore we, avuga ko n’ubwo batandukanye bakivugana kandi batigeze bamwirengagiza, ibyo akaba azanabyerekana umunsi azamusura bakanifotozanya agashyira hanze amafoto.

KANDA HANO UREBE VIDEOS UTASANGA AHANDI