Nyuma y’imyaka 12 babana, Angelina Jolie yasabye gatanya n’umugabo we Brad Pitt

Rukundo Irené | 20-09-2016
Nyuma y’imyaka 12 babana, Angelina Jolie yasabye gatanya n’umugabo we Brad Pitt

N’ubwo gatanya zikunze kugaragara cyane mu bantu b’ibyamamare cyane cyane abakina amafilime ndetse n’abakora umuziki, ntibikunze kubaho ko abamaranye igihe kirekire batandukana. Nyamara nyuma y’urukundo ruhebuje bari bafitanye, Angelina Jolie yasabye gatanya ngo atandukane burundu na Brad Pitt.

Abantu benshi bakomeje kwibaza ukuntu uyu mukinnyi wa filme Angelina Jolie yaje gufata icyemezo cyo gusaba gutandukana n’uyu mugabo we Brad Pitt bari bamaranye imyaka 12, ndetse byari bizwi ko ari bamwe mu byamamare bibanye neza. Gusa Angelina Jolie we akaba yagaragaje ko atishimiye uburyo abanye n’uyu mugabo we.

JPEG - 70.1 kb

N’ubwo bamaranye imyaka 12, ntabwo yose bayimaze babana byemewe n’amategeko kuko mu mwaka wa 2014 ari bwo basezeranye bakabana byemewe n’amategeko. Mu gihe bari bamaranye bakaba bari bamaze kubyarana abana batandatu: Maddox, Pax, Zahara, Shilo ndetse n’impanga zabo Knox na Vivienne.

JPEG - 62.4 kb

TMZ dukesha aya makuru ivuga ko Angelina Jolie mu mpapuro zisaba gutandukana yajyanye mu rukiko, yagaragaje ko icyatumye asaba ubutane ari ibibazo bigaragara mu muryango we ngo kuko umugabo we atita ku bana babo nk’uko bikwiye. Ngo icyo asaba ni uko yakomeza akabana n’abo bana akareba imibereho yabo ku giti cye atari kumwe na Pitt.

JPEG - 213.8 kb

Ku mpande z’aba bombi, si ubwa mbere habayeho gutandukana n’abakunzi babo dore ko Angelina Jolie iyi iraba ibaye inshuro ye ya gatatu atandukana n’abakunzi be naho Pitt we akaba amaze gutandukana n’abo bagiye babana ku nshuro ya kabiri.

KANDA HANO UREBE VIDEOS UTASANGA AHANDI