R. Kelly uvugwaho kwikundira utwana duto, ari mu rukundo n’uwo arusha imyaka 30 - Amafoto

Chief Editor | 9-08-2016
R. Kelly uvugwaho kwikundira utwana duto, ari mu rukundo n’uwo arusha imyaka 30 - Amafoto

Umuririmbyi w’icyamamare, R. Kelly, yagiye avugwaho kenshi gukundana n’abakobwa bataruzuza imyaka y’ubukure ndetse no kugendera kure abakobwa bangana nawe cyangwa se arusha imyaka micye, ariko ubu nawe ntatewe isoni no kwerekana ukuri kw’ibyagiye bivugwa, kuko ari mu rukundo n’umukobwa arusha imyaka 30 yose.

Hashize igihe bivugwa mu bitangazamakuru bitandukanye ko R. Kelly w’imyaka 49 y’amavuko, akundana n’umunyeshuri wo muri Kaminuza ya South Carolina akaba n’umunyamidelikazi witwa Halle Calhoun w’imyaka 19. Ukuri kwaje kujya ahagaragara ubwo mu mpera z’icyumweru gishize, uyu muririmbyi yajyanaga na Halle Calhoun mu kabyiniro kari i Atlanta kitwa Gold Room, aho bari bicaranye bagirana ibihe byiza mu myanya y’icyubahiro.

Robert Kelly na Halle Calhoun ntibigeze berura ngo bashimangire iby’urukundo rwabo, ariko uyu mukobwa akomeje gushyira hanze amafoto bari kumwe bagirana ibihe byiza ahantu hatandukanye.

R. Kelly n’umukunzi we (aba begeranye) mu bihe byiza by’urukundo rwabo

Ikinyamakuru Blog Gossip kivuga ko urukundo rwa R. Kelly na Halle Calhoun rwatangiye mu kwezi kwa kabiri uyu mwaka, ubwo uyu mwana w’umukobwa na nyina bitabiraga igitaramo cy’uyu muririmbyi. Nyuma yo guhura bagakundana, Halle na nyina bari abatumirwa b’icyubahiro mu gitaramo R. Kelly yakoze muri Kamena uyu mwaka.

R. Kelly ufite amateka yo gukundana n’abakobwa arusha imyaka myinshi, yakoze ubukwe bwa mbere n’umukobwa w’imyaka 15 witwaga Aaliyah, nyuma yo kubeshya urukiko ko afite imyaka 18. Icyo gihe yahise anakora umuzingo w’indirimbo (album) yise "Age Ain’t Nothing But A Number" bishaka kuvuga ko umubare w’imyaka ntacyo uvuze. R. Kelly yaje gutandukana n’uyu mugore we ariko yagiye atangaza ko bakundanaga bihebuje.

Iyi ni ifoto umukunzi wushya wa R. Kelly yashyize hanze, avuga ko yagiranye ibihe byiza n’uyu muhanzi

Urukundo rwe na Aaliyah rwanavugishije abantu cyane, si rwo gusa rutuma R. Kelly azwiho kwikundira utwana duto, kuko yanagiye ajyanwa mu nkiko kenshi ashinjwa gusambanya abakobwa batujuje imyaka y’ubukure. Gusa inshuro zose yagiye abishinjwa, ntabwo higeze haboneka ibimenyetso simusiga ngo bimuhame.

KANDA HANO UREBE VIDEOS UTASANGA AHANDI