AMAKURU

UKWEZI

Radio KFM yakoragaho Ange Tambineza, MC Tino, Ginty n’abandi yafunzwe bitunguranye

Radio KFM yakoragaho Ange Tambineza, MC Tino, Ginty n’abandi yafunzwe bitunguranye
30-06-2016 | By Chief Editor | Yasomwe n'abantu 9829 | Ibitekerezo 6

Radiyo y’abanya Kenya yakoreraga mu Rwanda izwi nka KFM, mu buryo butunguranye yamaze gufunga imiryango ikaba itazongera kumvikana nk’uko bigaragara mu itangazo ryashyizwe ahagaragara kuri uyu wa Kane.

Radio KFM yakoragaho abanyamakuru nka Umurungi Cynthia bakunda kwita MC Ginty, Ange Soubirous Tambineza, MC Tino, Axelle n’abandi bakunzwe mu gihugu, yafunze imiryango guhera kuri uyu wa Kane tariki 30 Kamena 2016, uyu ukaba ari wo munsi wa nyuma.

JPEG - 259.4 kb

Axelle na MC Tino ni bamwe mu banyamakuru utazongera kumva kuri K FM

Nk’uko bigaragara mu itangazo ryashyizwe ahagaragara na Kompanyi ya Nation Media Group ifite ibitangazamakuru byinshi bikorera mu bihugu bitandukanye bya Afurika y’Uburasirazuba, guhera kuri uyu wa Kane tariki 30 Kamena 2016, KFM irahagarika gukorera mu Rwanda.

Mu kiganiro ikinyamakuru Ukwezi.com cyagiranye na Ange Soubirous Tambineza, umwe mu banyamakuru bakunzwe cyane bakoreraga KFM, yagaragaje akababaro atewe n’ibibaye mu buryo butunguranye. Avuga ko mu masaha ya saa kumi n’ebyiri za mu gitondo hari inama ya Nation Media Group yabereye muri Kenya, we kimwe na bagenzi be bakaba bayikurikiye hakoreshejwe ikoranabuhanga ariko bikaba bitamubujije gutegura ikiganiro cye yagombaga gukora, cyane ko ibyo gufungwa ntawari ubyiteze.

Asobanura neza ko nta mukozi n’umwe wari witeze ko iyi radiyo ishobora gufungwa, gusa bakaba bari bamaze iminsi bazi ko itarimo kwinjiza amafaranga nk’uko byahoze n’ubwo hashakwaga ingamba. Agaragaza uburyo nawe ubwe yagiye ababazwa no kuba yarakoze ibishoboka byose akitanga ariko igitangazamakuru yakoreraga kikagwa mu gihombo kugeza aho bafata icyemezo cyo kugifunga.

Kuba ahombye akazi kimwe na bagenzi be, Ange Soubirous Tambineza avuga ko bimubabaje ariko ikibabaje kurushaho kikaba ari uburyo bibayemo kandi bikaba mu buryo butunguranye, kuburyo yazindutse akora n’ikiganiro cye kikarangira atabashije no kubimenyesha abakunzi be ngo anabasezereho bave mu rujijo.

JPEG - 67.4 kb

Aba ni bamwe mu banyamakuru bakoreraga KFM mu biganiro bitandukanye


Tanga Igitekerezo
Ibitekerezo 6
cyusa Kuya 2-07-2016

love conection nubundi yari yara ndambiye

simple Kuya 1-07-2016

Jojo u have a big and good mind this m number..0788424480..plz call me. Har abantu MBA numva nakenera kbs.

Denis Kuya 30-06-2016

Jojo nanjye nkunze iyi comment yawe ibyo uvuze nukuri

BOBO Kuya 30-06-2016

sha WAZAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAA.IRI HARIYA KKO TUBWIZANYE UKURI YAKUNGURA IKI SOCIETE NYA RWANDA?

mack Kuya 30-06-2016

Uvuze ukuri Jojo

Jojo Kuya 30-06-2016

Ahubwo yatinze gufunga n’izindi zizafunga abanya Kenya bari bazi ko itangazamakuru Mu Rwanda bizaborohera none babonye ukuri. Kwamamaza ni ibya Leta, gushaka amakuru ni uguhuhaho ntibyemewe gucukumbura kandi iwabo nicyo gituma media ibona amafaranga nahose kwirirwa Mu nama za Serena , ukavuga aho batanze inka imwe udashobora gukora debate ihanganisha abantu Mu buryo bwubaka, umuyobozi utumiye ati simboneka cg sinavuga kuri iyo sujet ahubwo naho murashoboye mwa banyamakuru mwe. Ubu se tuvuge ko imyenda ya za million baciye ama Radio yishyuwe ra? Yavahe se? Ahubwo nizifunge vuba ntacyo zikora uretse kuvuga ubusa no kwirirwa Mu busambanyi ngo barabaza icyo tubitekerezaho? Ex: Ngo umukobwa agusuye ni ngombwa ko muryamana ? Nyumvira ibyo bikamara 2 hours umusimbuye nawe akaza ashyiraho indi koko? Ngo wazaaaaaaaaaaaa Hahahhhhhhhhh

Iyi niyo yatumye Seraphin Byiringiro asezera BBC na ba Gatanazi ahari none reba

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA