Riderman ateganya kujyana mu nkiko Asinah ukomeje kumwibasira n’urugo rwe

Chief Editor | 27-06-2016
Riderman ateganya kujyana mu nkiko Asinah ukomeje kumwibasira n’urugo rwe

Gatsinzi Emery, umuhanzi nyarwanda uzwi nka Riderman, avuga ko abangamiwe bikomeye n’amagambo agenda avugwa na Asinah bahoze bakundana kandi ayo magambo akaba anabangamira cyane urugo rwe, biramutse bikomeje akaba yazamujyana mu nkiko.

JPEG - 156.7 kb

Muri Werurwe uyu mwaka, Asinah Mukasine yavuze ko asanga Riderman bahoze bakundana bigoye cyane ko yarambana na Agasaro Nadia bambikanye impeta mu mwaka ushize wa 2015, agaragaza ko nawe bamaze imyaka 8 bakundana ariko akaba yarihanganye bikomeye. Yavuze ko umugore wa Riderman abashije kwihangana bakamarana igihe yaba ari intwari, ariko ashimangira cyane kuba batazarambana.

JPEG - 165 kb

Asinah aheruka kuvuga ko Riderman n’umugore we Agasaro Farid Nadia batazarambana

Nyuma y’uko ibi byababaje cyane Riderman akavuga ko Asinah adakwiye gukomeza kumutega iminsi anivanga mu by’urugo rwe, uyu mukobwa yagiye avuga ibindi byagiye bibabaza cyane uyu muhanzi. Mu cyumweru gishize aherutse kuvuga ko yarebye amashusho y’indirimbo ya Riderman yitwa Get Out Of my Soul (bamwe bandika mu mpine bakayita G.O.O.M.S) akabona uyu muhanzi yarashyizemo ibishishikariza abagabo guhohotera abagore bityo akaba akwiye gukurikiranwa.

Asinah ati: "... Hari video y’umuhanzi nyarwanda nabonye binyereka ko hari abagikangurira abandi guhohotera umwari n’umutegarugori. Ntabwo byari bikwiye nk’abahanzi kujya dukora video scripts nka ziriya (G.O.O.M.S) ya Riderman, cyane ko tuzi ko bikunze kubaho mu gihugu cyacu aho usanga abana b’abakobwa cyangwa abagore bakubitwa bikomeye n’abo bita abakunzi cyangwa abagabo babo."

JPEG - 182.9 kb

Nyuma yo gutandukana na Gatsinzi Emery uzwi nka Riderman, Asinah yahise yibera umuhanzikazi

Uyu mukobwa yavugaga ko inzego za Leta zishinzwe kurengera abagore no kurwanya ihohoterwa ribakorerwa zirimo Minisiteri y’Uburinganire n’Iterambere ry’Umuryango (MIGEPROF) n’impuzamiryango PROFEMME bakwiye gufatira ibihano iyi ndirimbo na Riderman n’izindi nkayo, ibintu byababaje cyane uyu muraperi.

JPEG - 124.2 kb

Mu gihe Asinah yakomeza kugira amagambo avuga kuri Riderman, yazajyanwa mu nkiko

Mu kiganiro Sunday Night, Riderman yavuze ko yaba we ubwe ndetse n’umuryango we, babangamiwe cyane n’amagambo uyu mukobwa akomeza kuvuga, ndetse ibi akaba atazakomeza kubyihanganira kuko nibikomeza azitabaza inkiko zikabikemura hakoreshejwe ingufu z’amategeko.

KANDA HANO UREBE VIDEOS UTASANGA AHANDI