Teta Diana ushavuzwa no kuba atarigeze amenya nyina, yifuza kumuhimbira indirimbo

Chief Editor | 12-05-2016
Teta Diana ushavuzwa no kuba atarigeze amenya nyina, yifuza kumuhimbira indirimbo

Umuhanzikazi Teta Diana, ashengurwa cyane no kuba atarigeze amenya nyina umubyara, gusa kumubona mu mafoto bikaba bimumushushanyiriza, amavamutima akaba menshi kuburyo yumva amugomba indirimbo yerekana ibyiyumviro amufitemo.

Teta Diana yavutse tariki 5 Gicurasi 1992, bivuga ko muri uku kwezi kwa Gicurasi yujuje imyaka 24 y’amavuko. Yavukiye mu gihugu cya Kenya, avuka mu muryango w’abana 2 ariko ntiyagize amahirwe yo kuba agifite ababyeyi be, kuko nyina yatabarutse Teta akiri muto cyane naho se witwaga Frazier Birangwa we yatabarutse mu mwaka wa 2006.

JPEG - 115.2 kb

Kuri uyu wa Gatatu tariki 11 Gicurasi 2016, abinyujije ku mbuga nkoranyambaga zitandukanye akoresha, Teta Diana yashyize hanze ifoto ye n’iya nyina umubyara akiri ku isi, maze yandikaho amagambo agira ati: "Hari ubwo uba utaragize amahirwe yo kumenya umuntu w’agaciro gahambaye kuri wowe, ariko kumubona amwenyura bikamukubwiraho byose... Ntekereza ko nkugomba indirimbo mama..."

Iyi niyo foto Teta Diana yashyize hanze, aho ubanza ari we naho ukurikiyeho akaba ari umubyeyi we

Nyuma yo kubura nyina akiri muto cyane kuburyo atigeze anamumenya, Teta Diana yarezwe na Se ari nawe mubyeyi yari asigaranye, ariko ubwo yari afite imyaka 14 nawe yaratabarutse, uyu muhanzikazi akomeza kubaho mu buzima bw’impfubyi, ariko ntibyamubujije gukomeza kwirwanaho no kwiteza imbere.

KANDA HANO UREBE VIDEOS UTASANGA AHANDI