Umuhanzi Daniel Ngarukiye ari mu gahinda ko gupfusha umwana aheruka kwibaruka

Chief Editor | 30-05-2016
Umuhanzi Daniel Ngarukiye ari mu gahinda ko gupfusha umwana aheruka kwibaruka

Daniel Ngarukiye, umuhanzi nyarwanda ubarizwa mu itsinda rya Gakondo akanaba umwe mu bazwiho ubuhanga buhanitse mu gukirigita inanga, ari mu gahinda gakomeye nyuma yo gupfusha umwana we w’imfura hari hashize amezi macye abyaranye n’umugore ukomoka mu gihugu cya Romania baherutse gusezerana kubana byemewe n’amategeko.

Kuwa Kabiri tariki 22 Ukuboza 2015, nibwo Daniel Ngarukiye n’umukunzi we basezeranye kubana mu buryo bwemewe n’amategeko , imihango yo gusezerana ikaba yarabereye mu gihugu cya Romania giherereye ku mugabane w’u Burayi, uyu mugabo akaba ari naho amaze igihe yibanira n’uyu mugore we. Uyu mugore wa Daniel Ngarukiye yitwa Lavinia Orac.

Nyuma yo gusezerana mu mpera z’umwaka ushize wa 2015, tariki 18 Gashyantare 2016 nibwo bibarutse umwana w’umukobwa bari barahaye amazina ya Inyamibwa Mary, ariko inkuru y’incamugongo ni uko uyu mwana wabo yatabarutse afite amezi atatu gusa.

Abinyujije ku mbuga nkoranyambaga, Daniel Ngarukiye yatangaje ko umwana Imana yari yarabahaye nk’impano, yongeye ikamwisubiza kuri uyu wa Mbere tariki 30 Gicurasi 2016.

KANDA HANO UREBE VIDEOS UTASANGA AHANDI