Umuhanzi Gauchi arabara inkuru y’ishyano umukobwa bakundanaga yamukoreye

Chief Editor | 23-09-2016
Umuhanzi Gauchi arabara inkuru y’ishyano umukobwa bakundanaga yamukoreye

Umuhanzi Gauchi, mu ndirimbo ye nshya yafatanyije na Manzi, abara inkuru y’umukobwa bakundanaga nyuma bakaza kumumutwara, agatungurwa no kubona urupapuro rw’ubutumire rw’uwo mukobwa n’undi musore kandi yari azi ko bakiri kumwe.

Mu ndirimbo nshya yitwa "Baramujyanye" yafatanyije n’undi musore witwa Manzi ndetse bakaba bamaze no kuyikorera amashusho, Gauchi avugamo uburyo umukunzi we witwa Raïssa yamuhemukiye, akisangira undi bagahita banakora ubukwe.

Mu kiganiro twagiranye ubwo yatugezagaho amashusho y’iyi ndirimbo, Gauchi yavuze ko ibyo yaririmbye ari inkuru y’impamo y’ibiherutse kuba, ariko bikaba byarabaye ku musore w’inshuti ye magara.

Avuga ko muri iyi minsi habaho ubuhemu cyane hagati y’abakundana, kandi bikaba bigira ingaruka mu mibereho y’abantu. Asaba abakundana kuba indahemuka, bagakomera ku rukundo n’isezerano baba bafitanye.

REBA AMASHUSHO Y’IYI NDIRIMBO HANO:

KANDA HANO UREBE VIDEOS UTASANGA AHANDI