Umuhanzi Naason yabenzwe n’umukunzi we umwita bihemu wambaye uruhu rw’intama

Chief Editor | 23-06-2016
Umuhanzi Naason yabenzwe n’umukunzi we umwita bihemu wambaye uruhu rw’intama

Umuhanzi Naason, yamaze gutandukana n’umukunzi we witwa Umuliza bari bamaze imyaka 4 bakundana, uyu mukobwa akaba yafashe icyemezo cyo kumubenga nyuma y’amakosa menshi yagjye amukorera akananirwa gukomeza kumwihanganira.

Uyu mukobwa witwa Umuliza, yavuze ko Naason yagiye amwishushanyaho akiyambika uruhu rw’intama, ariko akaba yumva atakomeza gutegereza kuko adafite ukwihangana nk’ukw’Imana. Avuga ko yafashije Naason kandi uko yamusanze akabyakira ariko amakosa ye akaba yabyukije n’ibindi byinshi. Gusa mu kiganiro n’ikinyamakuru Ukwezi.com, yirinze kuvuga icyo amuziza, avuga ko bigomba kuguma hagati yabo.

Mu butumwa yageneye Naason, uyu mukobwa yagize ati: "Umuntu aragukunda benshi bakamukumenyaho kubera uruhu rw’intama aba yiyambitse nta n’uwamukekera ibyo akora, cyeretse babandi bahurura ariko umunyabwenge agenda gacye muzambaze! Ufasha umuntu uko umusanze kose ukabyakira kandi umukobwa ni ubika ibanga ariko ibyo wakoze bibyutsa n’ibindi byinshi bimaze igihe, sindi Imana ngo mpora nicaye kuntebe yimbabazi, uri bihemu pe!"

Uyu mukobwa yarambiwe gukomeza gukundana na Naason

Ikinyamakuru Ukwezi.com cyagerageje kuvugana na Naason ku murongo wa telefone, ariko nyuma yo kubazwa icyo yaba yakoreye uyu mukobwa cyatumye ananirwa kumwihanganira, ahita akuraho telefone yanga no kongera kwitaba umunyamakuru.

JPEG - 77.6 kb

KANDA HANO UREBE VIDEOS UTASANGA AHANDI