Umuhanzi nyarwanda Gauchi yabonye umunya Senegal umushyigikira mu muziki we

Chief Editor | 29-07-2016
Umuhanzi nyarwanda Gauchi  yabonye umunya Senegal umushyigikira mu muziki we

Nyuma y’igihe atagaragara cyane mu ruhando rwa muzika nyarwanda, umuhanzi Gauchi agiye kugarukana imbaraga nyinshi muri muzika kuko yanabonye umujyanama uzajya amushyigikira mu muziki we, uwo akaba ari umusore ukomoka muri Senegal.

Ibi Gauchi yabitangarije ikinyamakuru Ukwezi.com ubwo we n’uyu mujyanama we batugezagaho indirimbo nshya uyu musore yakoranye na Fireman, iyi ikaba yitwa "Nkore iki ", aho Gauchi aba avugamo uburyo yakundanye n’umukobwa wo mu muryango wiyubashye ariko ababyeyi bakivanga mu rukundo rwabo.

UMVA HANO INDIRIMBO YA GAUCHI NA FIREMAN:

Gauchi avuga ko uyu mujyanama we witwa Bouba, uretse kuba azamusangiza ibijyanye n’imikorere y’abahanzi bo muri Senegal bateye imbere mu muziki, azajya anamuyobora kuko abifitemo uburambe kandi yabikoze igihe kirekire iwabo muri Senegal.

Uyu niwe mujyanama w’umuhanzi nyarwanda uzwi nka Gauchi

Bouba watangiye kujya afasha uyu muhanzi nyarwanda Gauchi, yabwiye ikinyamakuru Ukwezi.com ko aba mu Rwanda kubera impamvu z’akazi yoherejwemo, ariko aka kazi kakaba katazamubuza guteza imbere muzika y’uyu muhanzi.

Nyuma y’igihe atagaragara, Gauchi ashaka kugarukana imbaraga zidasanzwe mu muziki

KANDA HANO UREBE VIDEOS UTASANGA AHANDI