Umuhanzi nyarwanda ahamya ko amaze imyaka 8 ashaka kwinjira muri Illuminati

Chief Editor | 11-09-2016
Umuhanzi nyarwanda ahamya ko amaze imyaka 8 ashaka kwinjira muri Illuminati

Umuhanzi nyarwanda uzwi nka Muchoma ukorera muzika ye muri Leta Zunze Ubumwe za Amerika, ahamya ko amaze imyaka 8 ashakisha uko yinjira mu muryango wa Illuminati benshi bakunda kwita ko ari uwa satani, kuko yifuzaga kubona icyubahiro, imbaraga n’amafaranga.

Muchoma yabwiye ikinyamakuru Ukwezi.com ko kuva yatangira umuziki yashakishije amakuru y’ibisabwa ngo yinjire muri Illuminati, ariko kugeza n’ubu bikaba byaramuyobeye kuko yabuze n’uwagiyeyo ngo amujyane cyangwa amwereke inzira imujyanayo.

Muchoma ati: "Kuva ngitangira umuziki muri 2008 ni nabwo natangiye gushakisha amakuru ya illuminati n’ibisabwa byose kugirango umuntu yinjire muri uwo muryango ariko kugeza n’ubu nabuze amakuru afatika y’inzira binjiriramo cyangwa wenda umuntu waba waragiyeyo ngo amfate akaboko tujyane cyangwa se anyereke inzira yangezayo ya nyayo. Ubu namaze gucika intege kuburyo njye mbona illuminati ari nka propaganda z’abantu cyangwa ikintu umuntu w’umunyabwenge yaba yaricaye agahimba kuko niba ibaho koko mba narayinjiyemo cyera cyane, kuko ayo mahirwe sinayitesha, uko kumenyekana, ayo mafaranga n’ibindi byiza byose by’isi sinabyanga kandi icyo nzi cyo turi benshi twabibuze kuko iyo urebye abantu benshi babayeho nabi kuri iyi si kubera ikibazo cy’ubukene, hari n’abapfa kubera ko hari ibyo batabona."

Muchoma avuga ko hari abantu bashobora kubura iby’isi hanyuma bakazabura n’iby’ijuru, kuri we akumva byaba bibabaje cyane. Asaba kandi ko niba hari umuntu ufite amakuru yanyayo cyangwa yaragiye muri Illuminati, yazamushaka kandi abimufashijemo akaba yazamugororera.

REBA HANO VIDEO NSHYA YA MUCHOMA:

KANDA HANO UREBE VIDEOS UTASANGA AHANDI