AMAKURU

UKWEZI

Umuhanzikazi Amore yarangije Kaminuza mu Bwongereza, aha ab’i Kigali isezerano

Umuhanzikazi Amore yarangije Kaminuza mu Bwongereza, aha ab’i Kigali isezerano
15-07-2016 | By Chief Editor | Yasomwe n'abantu 3717 | Ibitekerezo 1

Umuhanzikazi w’umunyarwandakazi uzwi nka Amore, yarangije amasomo ye y’icyiciro cya kabiri cya Kaminuza mu gihugu cy’u Bwongereza, akaba yanahaye isezerano abakunzi ba muzika nyarwanda ry’indi ntera agiye kugezaho umuziki we nyuma yo gushyikirizwa impamyabumenyi ye.

Amore uzwi mu ndirimbo nka Shakara, Byigumanire yakoranye na Christopher n’iyitwa Si nka babandi, amaze igihe yiga muri Kaminuza yo mu gihugu cy’u Bwongereza yitwa UCLAN (University of Central Lancashire), kuri uyu wa Kane akaba ari bwo yashyikirijwe impamyabumenyi ye y’icyiciro cya kabiri cya Kaminuza.

Amore wishimiye cyane iyi ntambwe yateye, yabwiye ikinyamakuru Ukwezi.com ko amaze igihe atabasha gukora muzika uko yabyifuzaga bitewe n’uko yari ahugijwe n’amasomo, ubu akaba abonetse kuburyo mu gihe gito yizeye ko azaba ari umwe mu bahanzikazi b’abanyarwandakazi bahagaze neza.

Ni ibyishimo bidasanzwe kuri Amore n’inshuti ze kubera intambwe yateye

Avuga ko afite imishinga ya muzika agomba kurangiza ikajya hanze bidatinze, kandi akaba yizeye ko nta kabuza abanyarwanda bahora bamushyigikira nawe azabereka ko ashoboye, akaboneraho kubashimira no kubasaba gukomeza kumushyigikira.

Yizeza abakunzi ba muzika b’i Kigali n’ahandi mu Rwanda, ko nyuma y’igihe azitiwe na muzika agiye kubereka icyo ashoboye nabo bakamushyigikira.

REBA HANO INDIRIMBO "SI NKA BABANDI" YA AMORE:


Tanga Igitekerezo
Ibitekerezo 1
Fifi Kuya 15-07-2016

Well done hun

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA