Umuhanzikazi Paccy yatunguwe n’abafana be bamusezeranya kumugira igitangaza - Amafoto

Chief Editor | 13-10-2016
Umuhanzikazi Paccy yatunguwe n’abafana be bamusezeranya kumugira igitangaza - Amafoto

Umuhanzikazi Oda Paccy umenyerewe mu njyana ya Hip Hop mu Rwanda, yatunguwe n’abana be bazwi ku izina ry’Indangamirwa, bamusezeranya kurushaho kumushyigikira bakamugira umuhanzikazi w’igitangaza haba mu Rwanda no ku rwego mpuzamahanga. Ibi kandi babona bishoboka bitewe n’ibyo bagezeho mu gihe bamaze bishyize hamwe.

Tariki 12 Ukwakira 2013, nibwo itsinda ry’abafana ba Paccy bo hirya no hino mu gihugu ryatangiye gukora ibikorwa byo gushyigikira uyu muhanzi no kugira uruhare mu iterambere ry’ibihangano bye. Kuri uyu wa Gatatu, bizihizaga imyaka 3 bamaze bishyize hamwe, banishimira ibyo babashije gukora muri icyo gihe.

Bari bateguye n’umutsima w’ibirori wabafashije kurushaho kuryoherwa n’ibi birori

Paccy n’abafana be bazwi nk’Indangamirwa, basangiye, baraganira baranasabana

Mu birori bateguwe Paccy atabizi ariko bagashaka uburyo bamugeza aho byabereye agatungurwa, havugiwemo ibyo bamaze kugeraho mu myaka itatu ndetse n’ibyo batabashije gukora neza, bafata ingamba zabafasha kugirango birusheho kujya mu buryo. Bamwijeje ko bagiye kurushaho kumushyigikira bakamugira umuhanzikazi w’igitangaza, ubu icyo bagiye guheraho kikaba ari amarushanwa ya Salax Awards aho basanga akwiye kwegukana igihembo cy’umuhanzikazi w’umwaka (Best Female Artist), agahemberwa indirimbo nziza y’amashusho (Video of The Year) aho afitemo iyitwa ’Niba ari wowe’, ndetse akaba yanatwara icy’umuraperi mwiza.

Umukinnyi wa filime Denise Gakire, we asanzwe ari inshuti ikomeye ya Paccy

Aba bafana banageneye Paccy impano ubundi bamusaba kudacika intege, nawe arabashimira abizeza gukomeza gukorana imbaraga zidasanzwe akarushaho gutera imbere no guteza imbere umuziki we.

Paccy yanahawe impano nk’ikimenyetso cy’uko bamukunda kandi bamuzirikana

KANDA HANO UREBE VIDEOS UTASANGA AHANDI