konka coffee
KONKA

AMAKURU

UKWEZI

Umunyamakuru Claude Kabengera agiye kuminuza muri Amerika

Umunyamakuru Claude Kabengera agiye kuminuza muri Amerika
30-05-2016 saa 08:38' | By Chief Editor | Yasomwe n'abantu 4425 | Ibitekerezo 1

Claude Kabengera; Umunyamakuru wamenyekanye ku maradiyo atandukanye mu Rwanda yibanda mu ishami ry’amakuru n’iry’ibiganiro by’imyidagaduro, nyuma y’igihe akora umwuga w’itangazamakuru, agiye kujya kuminuza muri Kaminuza yo muri Leta Zunze Ubumwe za Amerika.

Nk’uko yabishimangiye mu kiganiro yagiranye n’ikinyamakuru Ukwezi.com, Claude Kabengera azurira indege kuwa Gatanu w’iki Cyumweru tariki 3 Kamena 2016, yerekeze muri Leta Zunze Ubumwe za Amerika aho azahita akomeza amasomo ye muri Kaminuza iri i Davis muri Leta ya California aho azamara igihe cy’umwaka umwe n’amezi macye.

Claude Kabengera yamenyekanye mu itangazamakuru guhera mu mwaka wa 2009 ubwo yakoreraga Radio Salus ya Kaminuza y’u Rwanda, aza kuhava yerekeza kuri Radio Isango Star mu mwaka wa 2011, aha naho aza kuhava ajya kuri Radio 10 na TV 10 ari naho yari agikora kugeza ubu.

Uretse itangazamakuru ariko, Claude Kabengera anazwi nk’umushyushyarugamba wagiye ayobora ibirori bitandukanye, cyane cyane akaba yaragaragaye ayoboye ibirori by’amarushanwa ya Nyampinga w’u Rwanda mu bice bitandukanye by’Intara n’umujyi wa Kigali.


Tanga Igitekerezo
Ibitekerezo 1
Gisele Kuya 31-05-2016

amasomo meza tuzagukumbura

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA