Umunyamakuru Luckman wa Royal TV yasezeranye mu mategeko n’umukunzi we - Amafoto

Chief Editor | 7-10-2016
Umunyamakuru Luckman wa Royal TV yasezeranye mu mategeko n’umukunzi we - Amafoto

Luckman Nzeyimana, umunyamakuru w’imyidagaduro kuri Royal TV benshi bakunda kwita Lucky, yasezeranye imbere y’amategeko n’umukunzi we Murekatete Divine nyuma y’igihe kirekire bamaze bakundana.

Imbere y’ubuyobozi bw’umurenge wa Rwezamenyo mu karere ka Nyarugenge, bafashe ibendera rya Repubulika y’u Rwanda, kuri uyu wa Kane tariki 6 Ukwakira 2016, Luckman Nzeyimana na Murekatete Divine barahiriye kuzabana akaramata bagasangira ibyiza n’ibibi mu buzima bwabo bwose.

Nyuma yo gusezerana, uyu mugabo yavuze imyato urwo akunda umugore we, ariko anashimangira ko ari amahitamo ye ku giti cye yihariye, kuko yifuza kubaho ukwe bitari uko abandi babyifuza. Yagize ati: "Ngiye kurongora kuko nkunda cyane uyu mugore wicisha bugufi kandi nkaba nshaka kumarana nawe ubuzima bwanjye bwose. Ntiwabaho ubuzima bwawe mu gihe waba ukora ibyo abandi bantu bashaka ko ukora, wazabaho nabi... Hari abo bigera ukaba ugomba kuba wowe ubwawe..."

Akanyamuneza kari kose kuri aba bageni bagiye kubaka urugo rushya

Nyuma yo gusezerana kubana byemewe n’amategeko, Luckman Nzeyimana na Murekatete Divine bazakomeza indi mihango y’ubukwe bwabo, tariki 15 Ukwakira 2016 bakaba ari bwo bazambikana impeta bagahita batangira kwibanira nk’umugabo n’umugore.

Bagiye guhita banasezerana imbere y’Imana, ubundi bahite bibanira

Aha bafite agatabo kanditsemo ko banditswe nk’abashakanye

Bombi basinyiye kubana akaramata, nyuma yo kubirahirira imbere y’ibendera ry’igihugu

KANDA HANO UREBE VIDEOS UTASANGA AHANDI