Umunyamakuru Richard Kwizera yakoze ubukwe asezerana n’umukunzi we

Chief Editor | 22-05-2016
Umunyamakuru Richard Kwizera yakoze ubukwe asezerana n’umukunzi we

Umunyamakuru Richard Kwizera wamenyekanye cyane ubwo yakoraga kuri televiziyo y’u Rwanda, kuri uyu wa Gatandatu tariki 22 Gicurasi 2016 yambikanye impeta na Umuganwa Sylvie bari bamaze igihe kirekire bakundana.

Imihango yo gusaba no gukwa niyo yabanje mu masaha ya mugitondo, ikaba yarabereye i Kanombe mu karere ka Kicukiro mu mujyi wa Kigali, hanyuma ikurikirwa no gusezerana imbere y’Imana byabereye mu rusengero rw’Abangilikani rw’i Kanombe.

JPEG - 90.9 kb

Richard Kwizera kandi yari yasezeranye imbere y’amategeko n’uyu mukunzi we Umuganwa Sylvie bakunda kwita Soleil, iyi mihango yo ikaba yari yarabaye tariki 12 Gicurasi 2016.

Richard Kwizera ni umunyamakuru wakoreye ibitangazamakuru bitandukanye mu Rwanda, nyuma ya televiziyo y’u Rwanda ari nayo yamenyekanyeho cyane, akaba yaranakoreye Radio Salus ndetse n’ubu akaba agikunze kugaragara mu itangazamakuru ry’amashusho aho akorera Kigali Today.

KANDA HANO UREBE VIDEOS UTASANGA AHANDI