Umuryango wa Clement wafashe irembo rya Knowless, gusaba no gukwa nabyo ni vuba

Chief Editor | 30-06-2016
Umuryango wa Clement wafashe irembo rya Knowless, gusaba no gukwa nabyo ni vuba

Mu gihe ubukwe bwa Ishimwe Clement n’umuhanzikazi Butera Knowless burimo gutegurwa mu bwiru bukomeye, imwe mu mihango y’ubu bukwe yamaze gukorwa ariko nabwo bikorwa mu ibanga rikomeye.

Mu masaha y’umugoroba wo ku Cyumweru tariki 26 Kamena 2016, nibwo umuryango wa Ishimwe Clement wagiye gufata irembo mu muryango wa Butera Knowless uherereye mu karere ka Ruhango mu Ntara y’Amajyepfo.

JPEG - 131.6 kb

Amakuru yizewe agera ku kinyamakuru Ukwezi.com, ni uko urugo rwafatiwemo irembo ari urw’umusaza witwa Rugumire Marcel ruherereye mu mudugudu wa Nyarusange, mu kagari ka Nyamagana, mu murenge wa Ruhango wo muri aka karere ka Ruhango.

N’ubwo Knowless akomoka mu Ruhango, ntabwo ahafite ababyeyi be kuko bombi batabarutse. Ubusanzwe Butera Jeanne d’Arc uzwi nka Knowless, ni mwene Jean Marie Vianney Butera na Marie Claire Uyambaje ariko bombi ntibakiriho. Rugumire Marcel, ni umugabo wa Mukantamati Jeannette, uyu akaba ari nyinawabo wa Knowless kuko ari umuvandimwe wa Marie Claire Uyambaje.

JPEG - 68.6 kb

Nyuma yo gufata irembo, indi mihango irimo gusaba no gukwa nayo izaba mu gihe cya vuba, gusa ubukwe nyirizina bwo bukazaba mu kwezi kwa Kanama uyu mwaka, ni ukuvuga ko habura ukwezi kumwe n’iminsi micye ngo Clement na Knowless basezerane kwibanira akaramata.

KANDA HANO UREBE VIDEOS UTASANGA AHANDI