Umusirikare ufite ipeti rya Lietenant niwe wambitswe ikamba rya Miss USA 2016 (Amafoto)

Chief Editor | 7-06-2016
Umusirikare ufite ipeti rya Lietenant niwe wambitswe ikamba rya Miss USA 2016 (Amafoto)

Ku mugoroba wo ku Cyumweru tariki 5 Kamena 2016, nibwo habaye isozwa ry’amarushanwa ya Miss USA 2016, nyuma yo guhatana kw’abakobwa benshi bakomoka mu bice bitandukanye bya Leta Zunze Ubumwe za Amerika, ikamba rikaba ryaregukanywe n’umukobwa w’umusirikare ufite ipeti rya Lieutenant.

Deshauna Barber wavukiye muri Colombus muri Leta ya Georgia, ni umukobwa w’imyaka 26 wambitswe ikamba rya Miss USA 2016 nyuma yo guhatana n’abandi bakobwa baturutse muri Leta zitandukanye zigize igihugu cya Leta Zunze Ubumwe za Amerika.

Deshauna Barber wari ufite Se w’umusirikare, nyuma yo kurangiza amashuri ye mu by’ubumenyi n’icungamutungo, yahise ashaka gukurikira inzira ya se, yinjira nawe mu gisirikare, mu gice cy’ingabo za Leta Zunze Ubumwe za Amerika zirwanira ku butaka.

Deshauna Barber wavutse tariki 6 Ukuboza 1989, ubu akorera i Washington aho ari umusirikare ku ipeti rya Lieutenant, ariko bikaba bitaramubujije kujya mu bahatanira ikamba rya Miss USA 2016 ndetse nyuma yo gutsinda agahagarirara akarere ka Colombia, byarangiye ari nawe wambitswe ikamba rya Miss w’iki gihugu cy’igihangange ku isi.

Miss Deshauna Barber yishimiye cyane kubona atsinda akambikwa iri kamba, ndetse biramurenga asuka amarira menshi, nyuma abinyujije ku rubuga rwa Instagram ashimira cyane abamushyigikiye muri aya marushanwa.

KANDA HANO UREBE VIDEOS UTASANGA AHANDI