Uncle Austin yatewe n’abajura baramucucura ariko ntashira amakenga abashinzwe umutekano

Chief Editor | 27-07-2016
Uncle Austin yatewe n’abajura baramucucura ariko ntashira amakenga abashinzwe umutekano

Austin Tosh Luwano, umunyamakuru wa Kiss FM akaba n’umuhanzi nyarwanda mu njyana nyafurika uzwi nka Uncle Austin, mu ijoro ryo kuri uyu wa Kabiri inzu abamo yatewe n’abajura bamwiba ibikoresho byinshi, gusa akaba asanga byabayemo akagambane.

Nk’uko Uncle Austin yabishimangiye mu kiganiro yagiranye n’ikinyamakuru Ukwezi.com, abajura bamwibye ibikoresho byose byari mu ruganiriro uretse intebe, mu byatwawe hakaba harimo mudasobwa, televiziyo (flat screen) n’ibindi bitandukanye, byose bifite agaciro k’amafaranga y’u Rwanda ari hagati ya 1.500.000 na 2.000.000.

Uncle Austin avuga ko abamwibye bageze mu nzu abamo ku Kicukiro mu mujyi wa Kigali, bagafungura mu buryo nawe atarasobanukirwa bakageramo imbere bagapakira ibintu byose bagasiga intebe gusa mu ruganiriro.

Uyu mugabo ariko avuga ko ibyo yakorewe birimo akagambane k’abanyerondo bashinzwe umutekano mu gace atuyemo, kuko umukozi wo mu rugo yabyutse mu gitondo akajya ahantu asanzwe afata amata bataramenya ko bibwe, umwe mu banyerondo akabibwira uwo mukozi yasubira mu rugo koko bagasanga bibwe, akaba atiyumvisha uburyo yaba yabimenye mbere y’uko bataka bityo akumva hari ikindi kibyihishe inyuma.

KANDA HANO UREBE VIDEOS UTASANGA AHANDI