Urutonde rw’abirabura by’ibyamamare bafite inzu zihenze kurusha abandi (Amafoto)

Chief Editor | 2-05-2016
Urutonde rw’abirabura by’ibyamamare bafite inzu zihenze kurusha abandi (Amafoto)

Benshi byamamare by’abanyamerika bakomoka ku mugabane wa Afurika, bateye imbere bitangaje, bibikaho imitungo n’amafaranga atagira ingano. Muri iyi nkuru, turabagezaho abanyamerika 15 bakomoka ku mugabane wa Afurika, bafite amazu y’ibitangaza ahenze kurusha andi.

15) Birdman ($14.5 Million)

JPEG - 308.8 kb

Umuhanzi Birdman, afite inzu y’igitangaza ifite ibyumba byo kuraramo bigera ku 9, ikaba inubatse mu buryo bw’igitangaza. Iherereye mu karwa kitwa Palm gaherereye i Miami, ni muri Leta ya Florida. Iyi nzu ifite agaciro k’amadolari ya Amerika angana na 14.500.000, ni ukuvuga arenga 11.300.000.000 uyabaze mu mafaranga y’u Rwanda.

14) 50 Cent ($14.5 Million)

JPEG - 527.6 kb

Umuraperi 50 Cent, nawe afite inyubako y’igitangazwa igizwe n’uruhurirane rw’amazu yubatswe ku butaka bungana na metero kare 50.000, ikaba ifite ibyumba byo kuraramo 21 ndetse n’iby’ubwogero 37. Mu mwaka wa 2007, iyi nyubako yabarirwaga akayabo ka miliyoni 18 z’amadolari y’Amerika, ariko igiciro cyayo cyagiye kimanuka bitewe n’uko uyu munyamuziki yashakaga kuyigurisha, ubu nayo ikaba ibarirwa muri miliyoni cumi n’enye n’igice z’amadolari.

13) Denzel Washington ( $14.6 Million)

JPEG - 533.1 kb

Umukinnyi w’amafilime w’icyamamare; Denzel Washington, nawe afite inyubako y’igitangaza yubatswe ku butaka bwa metero kare 30,000, ikaba igizwe n’inyubako zo gucumbikamo, ibibuga bya tennis, ahantu ho kogera (swimming pool) n’ibindi byinshi biyigaragaza nk’inyubako y’akataraboneka. Iyi ifite agaciro k’amadolari ya Amerika 14.600.000, ni ukuvuga arenga 11.400.000.000 uyabaze mu mafaranga y’u Rwanda.

12) Pharrell Williams ($16.8 Million)

JPEG - 425.5 kb

Umuhanzi Pharrell Williams, afite inyubako y’igitangaza muri Miami, ikaba yubatse ku butaka bwa metero kare 9,080, igice kinini kikaba kigizwe n’ahantu hahenze ho gucumbika (apartments). Iyi ifite agaciro k’amadolari ya Amerika 16.800.000, ni ukuvuga arenga 13.100.000.000 uyabaze mu mafaranga y’u Rwanda.

11) Lil Wayne ($18 Million)

JPEG - 353 kb

Umuraperi Lil Wayne, nawe afite inyubako y’akataraboneka i Miami muri Florida, mu karwa kitwa Gorce. Ni inyubako igaragara neza cyane kandi yisanzuye bihagije, ikaba ifite agaciro k’amadolari ya Amerika 18.000.000, ni ukuvuga arenga 14.000.000.000 uyabaze mumafaranga y’u Rwanda.

10) Will Smith na Jada Pinkett Smith ($20 Million)

JPEG - 586 kb

Urugo rw’ibyamamare, Will Smith n’umugore we Jada Pinkett Smith, narwo rufite inyubako y’igitangaza yubatswe ku butaka bwa metero kare 25,000, ikaba ifite agaciro ka miliyoni 20 z’amadolari, ni ukuvuga arenga 15.600.000.000 uyabaze mu mafaranga y’u Rwanda.

9) Michael Jordan ($21 Million)

JPEG - 573.6 kb

Icyamamare mu mukino wa Basketball, Michael Jordan afite inyubako y’igitangaza mu mujyi wa Chicago, ikaba imaze igihe kirekire ariko ifite agaciro ka miliyoni 21 z’amadolari, ni ukuvuga arenga 16.400.000.000 uyabaze mu mafaranga y’u Rwanda. Iyi nyubako irimo ibintu byinshi bitandukanye, ariko nk’umukinnyi wubatse amateka ahambaye muri Basketball, mu byo yibutse mbere harimo n’ikibuga cya Basketball.

8) Barry Bonds ($22 Million)

JPEG - 222.6 kb

Icyamamare Barry Bonds, afite inyubako y’igitangaza ahitwa Beverly Hills, yubatse ku butaka bwa metero kare 17,100, ikaba ifite ibyumba byo kuraramo 7 ’iby’ubwogero 13, ikagira icyumba cy’imyitozo ngororamubiri n’ibindi byinshi bitandukanye. Ni inyubako iri ahantu hitegeye kandi igaragara neza cyane, ikaba ifite agaciro ka miliyoni 22 z’amadolari, ni ukuvuga arenga 17.200.000.000 uyabaze mu mafaranga y’u Rwanda.

7) Tyler Perry ($25 Million)

JPEG - 546.1 kb

Iyi nyubako y’icyamamare Tyle Perry, yamaze gushyirwa ku isoko aho ashakamo akayabo ka miliyoni 25 z’amadolari, ni ukuvuga akabakaba 20.000.000.000 uyabaze mu mafaranga y’u Rwanda. Ni inyubako iri ku butaka bungana na metero kare 34,688, irimo ibyumba by’imyitozo ngororamubiri n’ibindi bitandukanye by’imikino no kwishimisha.

6) P. Diddy ($40 Million)

JPEG - 493.2 kb

Mu mwaka wa 2014, nibwo umuraperi w’icyamamare P. Diddy, yaguze inyubako y’akataraboneka mu mujyi wa Los Angeles, ayitangaho akayabo ka miliyoni 40 z’amadolari, ni ukuvuga arenga 31.200.000.000 uyabaze mu mafaranga y’u Rwanda. Ni inyubako yubatse ku butaka bwa metero kare 20,000, ikaba ari imwe mu nzu zigaragara neza muri Los Angeles.

5) Dr. Dre ($40 Million)

JPEG - 555.3 kb

Umuraperi akaba n’umucuruzi ukomeye uzwi nka Dr Dre, ndetse akaba umwe mu bagaragaraho kenshi guhangana na P Diddy haba mu muziki no mu mitungo, nawe yaguze inyubako ihambaye umwaka ushize, ayitangaho nawe akayabo ka miliyoni 40 z’amadolari. Gusa amaze kuyigura, yongeyeho igice cya studio y’igitangaza, biyongerera agaciro yari ifite.

4) Jay-Z na Beyonce ($45 Million)

JPEG - 680.4 kb

Urugo rw’umuraperi Jay-Z n’umugore we Beyonce, ruri mu nyubako zihenze ku isi. Ruherereye ahitwa Malibu, rukaba rwubatse ku butaka bwa metero kare 13,126. Rufite ibyumba byo kuraramo 7, n’iby’ubwogero 9, rukagira ikibuga cya tennis, icyumba cy’imyidagaduro n’ibindi. Iyi nyubako ifite agaciro ka miliyoni 45 z’amadolari, ni ukuvuga arenga 35.100.000.000 uyabaze mu mafaranga y’u Rwanda.

3) Tiger Woods ($60 Million)

JPEG - 596.2 kb

Ikirangirire mu mukino wa golf, Tiger Woods, afite inyubako yubatse hafi n’inyanja ya Atlantic, aho uba witegeye neza aya mazi magari. Ni inyubako irimo ibibuga byinshi bitandukanye by’imikino n’imyidagaduro. Ifite agaciro ka miliyoni 60 z’amadolari ya Leta Zunze Ubumwe za Amerika, ni ukuvuga arenga 47.000.000.000 uyabaze mu mafaranga y’u Rwanda.

2) Oprah Winfrey ($88 Million)

JPEG - 611.6 kb

Inyubako ya Oprah Winfrey iri ahitwa Montecito muri Leta ya California, ni imwe mu nyubako zihambaye muri Calfornia, ikaba ifite ibyumba byo kuraramo 6, iby’ubwogero 14, ikabamo n’ibibuga bitandukanye hamwe n’ibyumba bikorerwamo ibijyanye no kwishimisha binyuranye. Iyi nyubako ifite agaciro ka miliyoni 88 z’amadolari, ni ukuvuga arenga 68.800.000.000 uyabaze mu mafaranga y’u Rwanda.

1) Michael Jackson ($100 Million)

JPEG - 673.5 kb

Mu mwaka w’1988, nibwo nyakwigendera Michael Jackson yaguye inyubako y’igitangaza yitwa Neverland Ranch iherereye ahitwa Santa Barbara, icyo gihe akaba yarayitanzeho miliyoni 30 z’amadolari. Nyuma ariko agaciro kayo kagiye kazamuka, kugeza ubwo muri 2015 byemejwe ko ifite agaciro ka miliyoni 100 z’amadolari, ni ukuvuga arenga 78.000.000.000 uyabaze mu mafaranga y’u Rwanda.

KANDA HANO UREBE VIDEOS UTASANGA AHANDI