Zari yabujijwe amahwemo n’inda atwite y’umwana wa kabiri wa Diamond

Chief Editor | 22-09-2016
Zari yabujijwe amahwemo n’inda atwite y’umwana wa kabiri wa Diamond

Zari Hassan atwite inda y’amezi atandatu, akaba atwite umwana w’umuhungu, umwana wa kabiri w’umuhanzi Diamond Platnumz wo mu gihugu cya Tanzania. Gusa iyi nda yamubujije amahwemo, kuburyo byateye impungenge zikomeye umuryango.

Inda Zari atwite, yamuguye nabi cyane kuburyo no kubasha kugenda ari ikibazo kimukomereye, umuryango ukaba utewe ubwoba n’uko iyi nda yakomeza kumuzahaza cyangwa umwana akavuka igihe kitageze.

Mushiki wa Diamond, yabwiye ikinyamakuru Global Publishers dukesha iyi nkuru ko Zari yaheze muri Afurika y’Epfo kuko inda atwite itamwemerera gukora urugendo. Yagize ati: "Mu by’ukuri arababara cyane, yananiwe no kuva muri Afurika y’Epfo aza muri Tanzania. Turimo gusenga ngo azabyare umwana ushyitse kandi inda ye kubangamira ubuzima bwe, nifuza kubona musaza wanjye abona umwana we wa kabiri."

Uyu mwana Zari atwite, ni uwa kabiri wa Diamond ariko akaba ari umwana wa gatanu kuri Zari, kuko afite abahungu batatu yabyaranye n’umugabo babanje kubana. Zari atwite inda y’amezi atandatu, mu gihe umwana uvuye ku ibere witwa Latiffah Dangote we ubu afite umwaka umwe.

KANDA HANO UREBE VIDEOS UTASANGA AHANDI