Wema Sepetu wahoze akundana na Diamond, yahishuye ko akunda Niyonzima Haruna byabuze urugero

Chief Editor | 9-05-2016
Wema Sepetu wahoze akundana na Diamond, yahishuye ko akunda Niyonzima Haruna byabuze urugero

Nyuma y’umukino mpuzamahanga wahuje ikipe ya Yanga yo muri Tanzania ikinamo umunyarwanda Haruna Niyonzima ndetse na Sagrada Esperanca yo muri Angola, umukinnyi w’amafilime wigeze no kuba Miss Tanzania muri 2006 ndetse akaba yaramenyekanye cyane ubwo yakundanaga n’umuhanzi Diamond wo muri iki gihugu cya Tanzania, yahishuye ko amaze igihe kirekire akunda bihebuje Haruna Niyonzima.

JPEG - 269.3 kb

Umunyarwanda Haruna Niyonzima wakiniye Rayon Sports na APR FC, ubu akinira Yanga yo muri Tanzania

Mu mukino wa CAF Confederations Cup wabaye kuwa Gatandatu w’iki cyumweru dusoje kuri sitade y’igihugu cya Tanzania iherereye mu mujyi wa Dar-Es-Salaam, uyu mukinnyi w’amafilime yari mu bari bagiye kwihera ijisho dore ko afana cyane ikipe ya Yanga, nyuma y’intsinzi y’ibitego 2-0 iyi kipe yabonye, uyu mukobwa akaba yaraboneyeho gutangaza ko akunda cyane uyu mugabo w’umunyarwanda.

Nk’uko ikinyamakuru Global Publishers kibitangaza, Wema Sepetu yavuze ko atazi impamvu akunda cyane Niyonzima Haruna, ariko akaba akeka ko biterwa n’uburyo yitwara mu kibuga ndetse n’ubuhanga agaragaza mu mikinire ye, hakaba hashize igihe kirekire amukunda ariko bikaba byararushijeho kuri uyu wa Gatandatu.

Wema Sepetu yahamije ko akunda bidasanzwe umunyarwanda Haruna Niyonzima

Wema Sepetu wagiye uvugwaho n’ibitangazamakuru bya Tanzania kuba akunda abagabo benshi b’ibyamamare, urukundo rwe na Diamond rwavugishije benshi igihe kirekire ariko biza kugera aho batandukana burundu, bishingiye n’ubundi ku mpamvu z’uko uyu muhanzi yamushinjaga kugirana agakungu n’abandi basore. Mu minsi yashize, Wema yakundanaga n’umuhanzi Ommy Dimpoz

KANDA HANO UREBE VIDEOS UTASANGA AHANDI