Iyo mba nteye kuriya mba narambaye ubusa cyera - Asinah

Chief Editor | 10-05-2016
Iyo mba nteye kuriya mba narambaye ubusa cyera - Asinah

Mu mpera z’icyumweru gishize, nibwo Asinah Mukasine; umuhanzikazi utamaze igihe kinini muri muzika ariko ukomeje kwigaragaza cyane, yashyize hanze ifoto y’umukobwa wambaye utwenda tw’imbere gusa, yipfutse mu maso kuburyo isura itagaragara, abantu benshi iyi foto bakaba batarayivuzeho rumwe.

Iyi niyo foto Asinah yashyize hanze abinyujije ku rubuga rwa Instagram

Bamwe mu babonye iyi foto ya Asinah, bamunenze ko yambaye ubusa, gusa we akavuga ko ifoto yashyize hanze atari iye, ahubwo ari iy’undi mukobwa atibuka izina yabonye ku rubuga rwa Instagram, hanyuma nawe akayishyiraho. Uyu mukobwa yavuze ko imiterere y’umukobwa ugaragara kuri iyi foto atari nk’iye, kandi ko iyaba ateye nkawe yakabaye yarambaye ubusa cyera.

Mu kiganiro n’ikinyamakuru Ukwezi.com, Asinah yagize ati: "Ubwose wowe urabona ari njye koko? Meze nka we narengwa! Nibagiwe amazina ye ariko nayikuye kuri Instagram ye, gusa iyo mba nteye kuriya mba narambaye ubusa cyera"

Asinah Mukasine; umuhanzikazi ugaragaza imbaraga zidasanzwe mu bikorwa bya muzika

Si ubwa mbere Asinah anengwa ibijyanye n’imyambarire, kuko ubwo yakoraga igitaramo cye cya mbere mu mezi ashize, yambaye utwenda two kogana abantu ntibabivugeho rumwe, gusa we akaba yarashimangiye ko nta kibazo abibonamo, ndetse ko na se umubyara bajya bajyana koga akambara utu twenda two kogana tuzwi nka bikini, ndetse nta n’imyenda yindi izwi yo kogana. Icyo gihe yagaragaje neza ko ntawajyana ikanzu kogana cyangwa ngo ajyane ipantalo mu mazi, bityo asaba ko abantu bareka kubikabiriza no kubifata ukundi.

Ubwo Asinah yambaraga imyenda yo kugana izwi nka ’Bikini’ nabwo abantu ntibabivuzeho rumwe

KANDA HANO UREBE VIDEOS UTASANGA AHANDI