Abifuza kwinjira mu gipolisi ku rwego rw’aba ofisiye bahawe rugari

Chief Editor | 23-05-2016
Abifuza kwinjira mu gipolisi ku rwego rw’aba ofisiye bahawe rugari

Nk’uko bigaragara mu itangazo ryashyizweho umukono na ACP Yahaya Kamunuga ushinzwe abakozi muri Polisi y’u Rwanda, abanyarwanda bifuza kujya muri Polisi bagasohoka bafite ipeti rya ofisiye bahawe amahirwe, kwiyandikisha bikaba byaratangiye.

Muri iri tangazo, ubuyobozi bwa Polisi y’u Rwanda buramenyesha abantu bose bashaka kwinjira muri Polisi y’u Rwanda ko bwatangiye kwandika abantu bose bifuza kwinjira mu gipolisi ku rwego rw’aba ofisiye bato. Ababyifuza bagomba kuba bujuje ibi bikurikira:

- Kuba ari umunyarwanda,

- Kuba abishaka,

- Kuba byibura atarengeje imyaka 30 y’amavuko

- Kuba afite impamyabushobozi ya kaminuza (Ao)

- Kuba atarigeze akatirwa igifungo kirengeje amezi atandatu,

- Kuba afite ubuzima buzira umuze,

- Kuba atarigeze yirukanwa mu mirimo ya leta,

- Kuba yiteguye gukorera ahariho hose Polisi y’u Rwanda ya mwohereza.

Abujuje ibisabwa baziyandikisha ku biro bya polisi byo ku rwego rw’akarere (DPU) batuyemo bitwaje forumirere yujuje neza iboneka ku rubuga rwa internet www.police.gov.rw, fotokopi y’impamyabushobozi yamashuli bize, fotokopi y’irangamuntu, n’ifoto imwe ngufi. Abatazabona internet bazakura forumirere ku biro bya polisi byo ku rwego rw’akarere. Gutanga ibyangombwa bizarangira tariki ya 29 Gicurasi 2016

KANDA HANO UREBE VIDEOS UTASANGA AHANDI