Call Rwanda izayobora abazitabira inama y’abakuru b’ibihugu izabera i Kigali

Chief Editor | 28-05-2016
Call Rwanda izayobora abazitabira inama y’abakuru b’ibihugu izabera i Kigali

Mu gihe u Rwanda rwitegura kwakira inama y’abakuru b’ibihugu izabera mu munmujyi wa Kigali kuva tariki ya 10 kugeza tariki 18 Nyakanga 2016, imyiteguro irarimbanyije ku bazakira abashyitsi, ku bategura ibizakenerwa muri iyi nama , no ku bafite serivisi zose zifite aho zihuriye no kwakira abashyitsi.

Call Rwanda, ikigo gikoreshwa n’ibihumbi byinshi by’abanyarwanda ndetse n’abanyamahanga nacyo nticyatanzwe, kuko kitegura kuzafasha abazitabira inama ya 27 y’Abakuru bibihugu ( AU Summit) izabera mu Rwanda mu bijyanye no korohereza abashyitsi.

Ibi bizakorwa nk’uko bisanzwe bikorwa, aho buri wese uzaza mu Rwanda ashaka serivisi azajya ahamagara Call Center ya Call Rwanda, agahamagara “5000 “ akarangirwa ahantu yifuza kujya cyangwa agafashwa uko yabona serivisi iyo ariyo yose mu Rwanda kandi ku buntu.

Dore servisi iyo uhamagaye Call center ya Call Rwanda kuri 5000 ubona :

• Nimero z’ibigo byose bikorera mu Rwanda

• Indege n’amahoteli

• Banki n’ibigo by’ubwishingizi

• Gutwara abantu n’ibintu

• Ibitaro n’ahandi bakora igijyanye n’ubuvuzi (hospitals,Pharmacy and Doctors)

• Gushima no kunenga serivisi wahawe

• Ibirori, bitaramo na Sinema (Imyidagaduro)

• Servisi z’uturere

• Servisi z’itangwa ry’akazi

Izi servisi ziboneka mu Kinyarwanda, mu cyongereza n’igifaransa kandi zigenewe buri wese. Izi serivisi ziboneka kuva saa moya za mu gitondo kugera saa yine z’ijoro gusa mu minsi ya vuba bafite gahunda yo gutangira gukora amasaha 24/24

Nk’uko Aime Crispin NSENGIYUMVA uyobora Call Rwanda abitangaza, ngo bafuza guhesha ishema u Rwanda bafasha abanyamahanga bazaza muri iyi nama mpuzamahanga.

Yagize ati: “Turifuza kwereka isura nziza abazitabira iriya nama, rukanabaha isomo ku byerekeranye n’iterambere ry’u Rwanda, umuvuduko no kunoza serivisi. Uzajya ahamagara 5000 wese azatanga ubuhamya bityo azagende afite isura nziza ku Rwanda”

Call Rwanda ni ikigo cyatangijwe n’urubyiruko gifite gahunda mu minogereze ya servisi mu Rwanda, aho kimaze gukorana n’ibigo nka RDB, RURA , MTN, Airtel, TIGO, IFDC, Startimes n’ibindi, mu byerekeranye na serivisi z’itumanaho no kunoza serivisi (Customer care).

Call Rwanda kandi nicyo kigo kiyoboye ibindi byose bitanga serivisi za BULK SMS ( Ubutumwa bugufi bwoherezwa ku bantu benshi aho cyagabye amashami mu bice bitandukanye mu Rwanda, kigamije kwihutisha iterambere n’imikoreshereze ya telefone njyendanwa. Nawe ukeneye izi serivisi wabagana aho bakorera imbere y’ibiro by’Umujyi wa Kigali cyangwa ugahamagara kuri 0789533616

KANDA HANO UREBE VIDEOS UTASANGA AHANDI