Uruganda rwa Bralirwa rugiye gusohora Fanta zo mu macupa ya pulasitike

Chief Editor | 3-05-2016
Uruganda rwa Bralirwa rugiye gusohora Fanta zo mu macupa ya pulasitike

Uruganda rwa Bralirwa rwenga ibinyobwa bisembuye n’ibidasembuye, rugiye gutangira gushyira hanze ibinyobwa bidasembuye bizwi nka Fanta, bizaba biri mu macupa ya pulasitike kandi uguze ibi binyobwa akaba yemerewe guhita atahana iryo cupa.

Nk’uko byemejwe n’ubuyobozi bwa Bralirwa mu kiganiro n’abanyamakuru cyabereye muri Hoteli Serena ya Kigali tariki 28 Mata 2016, uru ruganda rwajyaga rucuruza izi fanta zo muri pulasitike ariko zabaga zaranguwe hanze y’igihugu, none ubu uruganda rugiye gutangira kuzikorera.

Guhera muri uku kwezi kwa Gicurasi, Bralirwa igomba gutangira gushyira ku isoko fanta ziri mu macupa ya pulasitike azajya yemerera uguze ibi binyobwa kuba yabijyana adasubije iryo cupa, gusa ibi bikaba bitazakuraho icuruzwa n’ikorwa ry’ibi binyobwa mu macupa yari asanzwe.

KANDA HANO UREBE VIDEOS UTASANGA AHANDI