Ikigo cy’ibarurishamibare (Statistics) cyashyize ku isoko imyanya y’akazi 260

Chief Editor | 9-05-2016
Ikigo cy’ibarurishamibare (Statistics) cyashyize ku isoko imyanya y’akazi 260

Ikigo cy’lgihugu gishinzwe Ibarurishamibare mu Rwanda (NISR) kirifuza gutanga akazi ku bakozi 260 bazakora ubushakashatsi ku Buhinzi n’Ubworozi mu turere twose tw’igihugu. Ako kazi kazajya gakorwa buri gihembwe cy’ihinga.

Ibyo usaba akazi agomba kuba yujuje:

- Kuba ari Umunyarwanda;

- Kuba afite impamyabumenyi ya Kaminuza/amashuri makuru muri rimwe mu mashami y’ubuhinzi cyangwa ubworozi (A0, A1 );

- Ku bafite impamyabumenyi y’amashuri yisumbuye gusa (A2), bagomba kuba bafite nibura uburambe bw’umwaka umwe mu kazi k’ubushakashatsi ku Buhinzi cyangwa Ubworozi kandi bakaba barakoranye ako kazi n’lkigo cy’lgihugu gishinzwe Ibarurishamibare mu Rwanda (NISR) cyangwa Minisiteri y’Ubuhinzi n’Ubworozi (MINAGRI);

- Kuba afite ubumenyi muri GIS kandi azi gukoresha neza GPS;

- Kuba afite ubuzima bwiza ndetse n’ingufu z’umubiri bibasha gutuma akora neza akazi asabwa kandi ashobora gukorera aho ariho hose mu Rwanda;

- Kuba abasha kuvuga no kwandika neza ururimi rw’ikinyarwanda; kumenya Icyongereza n’lgifaransa ni akarusho;

- Kuba ari indakemwa mu mico no mu myifatire;

- Kuba yiteguye kuboneka mu gihe cy’ibikorwa bijyanye n’ubu bushakashatsi ku Buhinzi n’Ubworozi atabivanze n’akandi kazi

Ibyangombwa bitangwa muri dosiye isaba akazi:

- Ibaruwa isaba akazi yandikiwe Umuyobozi Mukuru w’lkigo cy’lgihugu gishinzwe Ibarurishamibare mu Rwanda;

- Fotokopi y’impamyabumenyi y’amashuri usaba akazi yize;

- Umwirondoro urambuye w’usaba akazi / CV;

- Folokopi y’indangamunlu y’usaba akazi;

- Icyemezo (certificate) kigaragaza koko ko ufite impamyabushobozi y’amashuri yisumbuye gusa (A2) afite uburambe mu kazi k’ubushakashatsi ku Buhinzi cyangwa Ubworozi kandi akaba yarakoranye ako kazi n’lkigo cy’lgihugu gishinzwe Ibarurishamibare mu Rwanda (NISR) cyangwa Minisiteri y’Ubuhinzi n’Ubworozi (MINAGRI);

Abifuza gusaba aka kazi basabwe kugeza dosiye yuzuye isaba akazi mu bunyamabanga rusange bw’lkigo cy’lgihugu gishinzwe Ibarurishamibare mu Rwanda bitarenze itariki ya 13/05/2016 ku isaha ya saa kumi z’umugoroba (4pm). Kubindi bisobanuro birambuye, mwagana ibiro by’Ushinzwe abakozi mu kigo cy’lgihugu gishinzwe Ibarurishamibare mu Rwanda.

KANDA HANO UREBE VIDEOS UTASANGA AHANDI