AMAKURU

UKWEZI

Abageni bakoze impanuka ku munsi w’ubukwe bwabo bahita bapfa

Abageni bakoze impanuka ku munsi w’ubukwe bwabo bahita bapfa
27-07-2016 | By Paola Abizera | Yasomwe n'abantu 8616 | Ibitekerezo 3

Nyuma yo gusezerana bakemeranywa kubana, umunsi w’ubukwe bwabo bari biteze ko ugomba kubabera umunsi w’ibyishimo by’agatangaza mu buzima bwabo, wabaye umunsi w’umwijima mu miryango yabo, kuko baguye mu mpanuka bataha.

Aba nta bandi ni Paul na Sue bo muri Leeds mu gihugu cy’u Bwongereza, bakoze ubukwe kuwa Gatandatu tariki 23 Nyakanga 2016 ariko ibyishimo bigasozwa n’agahinda n’amarira.

Ubwo bari mu nzira bataha, imwe mu modoka zari zitwaye abageni yagonganye n’indi yaturukaga mu kindi cyerecyezo, iyi y’abageni ikaba yari irimo Paul n’umugore we Sue n’abandi babiri bo mu muryango.

Melanie Ann Green, umukobwa w’umushoferi wari utwaye iyi modoka, n’agahinda kenshi Ku Cyumweru yanditse ku rubuga rwa facebook amagambo agaragaza akababaro ke. Yagize ati: "Ejo wari umunsi mubi mu buzima bwanjye, nabuze mama wanjye Joy na papa wanjye Derek baguye mu mpanuka y’imodoka. Bari bavuye i Leeds, mu bukwe bwa marume Paul n’umugore we Sue. Imodoka yari ibatwaye yagonganye n’indi yavaga mu kindi cyerekezo, Sue na Paul bari bicaye inyuma bose uko bari bane bahise bapfa ako kanya.”

Urebye ku rubuga rwa facebook, uyu Melanie Ann Green yakiriye ibitekerezo byinshi cyane bigaragaza uburyo imbaga y’ababonye ibyo yanditse bakozwe ku mutima nabyo kandi bikabashengura umutima.


Tanga Igitekerezo
Ibitekerezo 3
jgt Kuya 29-07-2016

c’est comme ça la vie

NDACYAYISENGA Patrice Kuya 28-07-2016

Imana ibakire mubayo kandi ibahe iruhuko ridashira. Mana komeza imiryango ni inshuiti z’aba ba Nyakwigendera.

emelyne uwingabire Kuya 28-07-2016

Imana ibakire mu bwami bwabo. kandi ibandanye kuremesha abasigaye.

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA