Amagorofa (imiturirwa) 20 maremare kurusha ayandi yose ku isi - AMAFOTO

Chief Editor | 29-08-2016
Amagorofa (imiturirwa) 20 maremare kurusha ayandi yose ku isi - AMAFOTO

Ku isi hari amagorofa maremare kurusha ayandi, hakaba n’arimo kubakwa ataruzura ariko yamaze kubonerwa ibishushanyo mbonera. Muri iyi nkuru, turabagezaho urutonde rw’amagorofa maremare kurusha ayandi ku isi, arimo ayuzuye n’andi akirimo kubakwa.

Uru rutonde dukesha CNN, rwakozwe n’inama ishinzwe iby’amagorofa maremare n’imiturire y’umujyi yo muri Chicago izwi nka CTBUH (Council on Tall Buildings and Urban Habitat).

1. Sky Mile Tower - Tokyo

JPEG - 174.5 kb

Sky Mile Tower yo muri Tokyo mu Buyapani, ni inyubako y’icyitegererezo itarubakwa ariko izaca agahigo ko kugira uburebure burenga kilometero imwe n’igice. Umushinga w’iyubakwa ry’iri gorofa rizaba rifite metero 1,600 wamaze guhabwa izina rya Next Tokyo 2045"

2. Jeddah Tower - Saudi Arabia  

JPEG - 198.6 kb

Jeddah Tower yo muri Saudi Arabia izaba nayo inyubako izaca agahigo ko kugira uburebure bwa kilometero yose, bikaba biteganyijwe ko izuzura muri 2019. Iyi izuzura itwaye akayabo ka miliyari imwe na miliyoni 23 z’amadolari.

3. The Tower - Dubai

JPEG - 255.2 kb

Iri gorofa rizubakwa i Dubai ntirirahabwa izina mu buryo budakuka, ariko ubu by’agateganyo baribatije "The Tower". Iri rizaba rifite uburebure bwa metero 928, bivuga ko rizahita rica kuri Burj Khalifa isanzwe izwi nk’umuturirwa wa mbere i Dubai. Iri goroba biteganyijwe ko rizuzura muri 2020.

4. Burj Khalifa - Dubai

JPEG - 174 kb

Igorofa rya Burj Khalifa ryo muri Dubai, ni umuturirwa kugeza ubu wamamaye ku isi, ukaba ufite uburebure bwa metero 828.

5. Shanghai Tower - Shanghai

JPEG - 386.1 kb

Shanghai Tower yo mu mujyi wa Shanghai mu Bushinwa, nayo kugeza ubu ni umuturirwa uzwi cyane mu burebure, mu yarangije kubakwa ukaba uri ku mwanya wa kabiri. Uyu ufite uburebure bwa metero 632. Shanghai Tower yarangiye muri 2015.

6. Lotte World Tower - Seoul, South Korea 

JPEG - 213.9 kb

Lotte World Tower yo muri Seoul muri Korea y’Amajyepfo, yuzuye muri Werurwe 2016, ikaba ari n’iya mbere mu mujyi wa Seoul. Ifite uburebure bwa metero 556.

7. One World Trade Center - New York, U.S.

JPEG - 130.4 kb

One World Trade Center yo mu mujyi wa New York muri Leta Zunze Ubumwe za Amerika, inazwi ku izina rya "Freedom Tower". Ifite uburebure bwa matero 541, ikaba ari nayo muturirwa muremure mu gice iherereyemo. Iyi yubatswe itwaye akayabo ka miliyari 3 na miliyoni 9 z’amadolari.

8. Taipei 101 - Taipei, Taiwan 

JPEG - 144.5 kb

Taipei 101 yo mu mujyi wa Taipei muri Taiwan igizwe n’amagorofa 92, ikaba ifite uburebure bwa metero 508.

9. Shanghai World Financial Center - Shanghai, China

JPEG - 138 kb

Shanghai World Financial Center yubatswe mu gihe cy’imyaka 11, ikaba yararangiye muri 2008 ifite uburebure bwa metero 492.

10. International Commerce Center - Hong Kong, China

JPEG - 127.5 kb

Inyubako ya mbere ndende muri Hong Kong, ni International Commerce Center ifite uburebure bwa metero 484.

11. Lakhta Center - St Petersburg, Russia  

JPEG - 144.5 kb

Lakhta Center yo mu mujyi wa St Petersburg mu Burusiya, ni inyubako biteganyijwe ko izarangira muri 2018, ikazaba ifite uburebure bwa metero 462

12. Petronas Towers 1 and 2 - Kuala Lumpur, Malaysia

JPEG - 203.3 kb

Petronas Towers 1 and 2 ni inyubako ebyiri zimeze kimwe ziherereye mu mujyi wa Kuala Lumpur mu gihugu cya Malaysia. Ninazo nyubako ebyiri zimeze kimwe ndende kugeza ubu (tallest twin towers). Zombi zifite uburebure bwa matero 451.9, zikaba zararangiye kubakwa mu 1996, zitahwa mu 1999.

13. 432 Park Avenue - New York, U.S. 

JPEG - 268.7 kb

432 Park Avenue yo mu mujyi wa New York muri Leta Zunze Ubumwe za Amerika, yarangiye mu kwezi k’Ukuboza 2015. Ifite uburebure bwa metero 425.5

14. Ocean Heights - Dubai

JPEG - 133 kb

Ocean Heights yo mu mujyi wa Dubai, ifite amagorofa 83 ikaba ifite uburebure bwa metero 310.

15. Cayan Tower - Dubai

JPEG - 216 kb

Cayan Tower yo mu mujyi wa Dubai, iri nayo ifite uburebure bwa metero 306, ikaba iri mu magorofa meza muri uyu mujyi usanzwe ubarizwamo ibyiza bitagereranywa. Iyi yuzuye muri 2013.

16. 1 Undershaft - London, UK  

JPEG - 280 kb

1 Undershaft ni inyubako biteganyijwe ko izaba iya mbere mu mujyi wa London, ikazaba ifite uburebure bwa metero 300. Iyi imirimo yo kuyubaka igeze kure.

17. Evolution Tower - Moscow, Russia

JPEG - 191 kb

Evolution Tower yo mu mujyi wa Moscow mu Burusiya, yarangiye muri 2015 ikaba ifite uburebure bwa metero 246.

18. Turning Torso - Malmo, Sweden

JPEG - 173.7 kb

Turning Torso yo mu mujyi wa Malmo muri Suwedi, yarangiye mu mwaka wa 2005, ikaba ifite uburebure bwa metero 190.

19. Absolute World Towers E - Ontario, Canada 

JPEG - 181.9 kb

Absolute World Towers E ni inyubako yo muri muri Ontario muri Canada, ikaba ifite uburebure bwa metero 176.

20. Absolute World Towers D - Ontario, Canada

JPEG - 181.9 kb

Absolute World Towers D nayo yegeranye n’iyo hejuru ibanza ndetse n’amazina yazo yenda kuba amwe, gusa imwe ni E indi ikaba D. Iyi nayo iherereye muri Ontario mu gihugu cya Canada, ikaba ifite uburebure bwa metero 158.

KANDA HANO UREBE VIDEOS UTASANGA AHANDI