Ariana w’imyaka 20 yashyize ku isoko ubusugi bwe ngo abashe kujya kwiga mu mahanga

Chief Editor | 29-09-2016
Ariana w’imyaka 20 yashyize ku isoko ubusugi bwe ngo abashe kujya kwiga mu mahanga

Umukobwa ukiri isugi ukomoka mu gihugu cy’u Burusiya, yafashe icyemezo cyo guteza cyamunara ubusugi bwe kugirango abashe kubona amafaranga amufasha kwiga hanze y’igihugu, abashaka guhatanira iri soko bakaba bagomba kumwishyura akayabo, utsinze agahabwa ubusugi bwe.

Uyu mwana w’umukobwa ukiri muto dore ko afite imyaka 20 y’amavuko, yitwa Ariana. Ntabwo yigeze akora imibonano mpuzabitsina mu buzima bwe ariko ashaka kubikorana bwa mbere n’umusore cyangwa umugabo uzemera gutanga akayabo kugirango amwambure ubusugi bwe. Ushaka guhatanira ubu busugi, agomba gutanga arenga €150,000 (£130,560), ni ukuvuga arenga 135.000.000 uyabaze mu mafaranga y’u Rwanda.

JPEG - 77.5 kb

Mu gusobanura uko yafashe icyemezo cyo guteza cyamunara ubusugi bwe, Ariana yagize ati: "Abanyeshuri benshi bahura n’imbogamizi y’uko mu myigire yabo bahura n’ibibazo byinshi bitandukanye. Ugomba kwiga ukora kugirango ubashe kwiyishyurira. Njyewe ndashaka kujya kwiga mu kindi gihugu kwiga amasomo ajyanye n’ubuganga, kandi kaminuza nzajyamo irahenze cyane, no gukodesha aho mba nabyo birahenze. Ntekereza uburyo kuba mu kindi gihugu bizaba bitoroshye, bityo ndashaka ko umutwaro wo kubona amafaranga mbasha kuwikiza, nkagenda ngashyira umutima ku masomo yanjye y’iby’ubuganga. "

JPEG - 84.9 kb

Ariana yabwiye ikinyamakuru Mail Online dukesha iyi nkuru, ko icyemezo yafashe yumva ntacyo gitwaye, kuko asanga ari bwo buryo bworoshye cyane bwo kubona amafaranga. Yemera ko kuba atarigeze agira umusore bakundana, nabwo byagize uruhare mu gutuma afata iki cyemezo.

Ariana ati: "Ikindi erega ndi umukobwa wigenga, ushobora gukora icyo ashaka. Mu by’ukuri, narabanje ndatekereza igihe kirekire kugirango mfate iki cyemezo. Namaze igihe nizera kubona umukunzi nyawe ariko ntibyakunze. Nonese kuki nakomeze gutegereza igihe kirekire cyane? Nibaza n’impamvu nakomeza kwirindiriza nkazaha ubusugi bwanjye umuntu ushobora kuzambabariza umutima nyuma."

JPEG - 64.3 kb

Uyu mukobwa washyize itangazo rya cyamunara ku rubuga rwa Internet, avuga ko ababyeyi be badakize kandi u Burusiya bukaba butajya bwishyurira abashaka kujya kwiga mu mahanga, bityo akaba nta kundi yabigira. Yemeza ko ababyeyi be batazi ko arimo guteza cyamunara ubusugi bwe, ariko banabimenye akumva ko yabasobanurira bakabyumva.

Ariana yumva uzabasha kwegukana ubusugi bwe, azaba ari umusore ashobora kuzajya yifuza kongera kubona kenshi nyuma y’uko baryamana. Avuga kandi ko uwabishaka, yakuba aya mafaranga kabiri akazabasha kwegukana ubusugi bwe n’ubw’inshuti ye yitwa Lolita w’imyaka 21 akabararana bombi ijoro rimwe, gusa uyu we ntabwo icyatumye ateza cyamunara ubusugi bwe cyatangajwe.

KANDA HANO UREBE VIDEOS UTASANGA AHANDI