Bemeye kwitwika kugirango bamamare ku mbuga nkoranyambaga

Rukundo Irené | 14-09-2016
Bemeye kwitwika kugirango bamamare ku mbuga nkoranyambaga

Agatsinda k’abana bakiri bato bakomoka mu Burusiya bafashe icyemezo cyo kwitwika ndetse no gusimbuka baturutse ku kiraro gifite uburebure bwa metero 6 bigaragara ko barimo gushya. Ibi babikoze bagirango bafate amafoto yo gushyira ku mbuga nkoranyambaga zabo kuko bashakaga ko umubare w’ababakurikira wiyongera ndetse n’amafoto yabo akarwbwa cyane.

Iki gikorwa kidasanzwe cyabereye mu majyepfo y’u Burusiya, mu mujyi wa Penza. Hari videwo zatangiye kugaragazwa kuri internet abo bana biyerekana mbere y’uko birahuriraho uwo muriro. Amashusho yagaragaye bwambere yerekanaga uwa mbere yisutseho ibisukika bitwika, maze mugenzi we akamurasiraho umwambi w’ikibiriti ku ikoti yari yambaye.

Umuriro ukimara kwaka, yahise asimbuka amanukira mu mazi. Byatunguye benshi ndetse bamwe bakeka ko abo bana bashaka kwiyahura, gusa icyaje kubatangaza bakumirwa ni uko baje kubabona mu mazi boga nta kibazo bafite na gito.

Daily Mail dukesha iyi nkuru ivuga ko ubwo umwe muri bo yabazwaga impamu bakoze ibyo, yavuze ko ntakindi kibyihishe inyuma ahubwo ngo icyo bashakaga ni uko amafoto yabo akundwa ndetse akarebwa cyane (likes and views) ku mbuga nkoranyambaga.

Yagize ati: ”Twabikoze ku bwo gushaka ko amafoto yacu akundwa. Ni igitekerezo twahawe n’umwe mu bakoresha imbuga zizwi ku izina rya blog. Twabanje gutega njye n’inshuti zanjye mbere y’uko tubikora.”

Kugeza ubungubu Polisi ikomeje gukurikirana ngo irebe icyaba cyaratumye babikora, aho kuri ubu umwe muri bo yafashwe kugirango iperereza rikomeze gukorwa, kandi ngo si ubwa mbere igikorwa nk’iki kibaye kuko no mu ntangiriro z’uyu mwaka hari abandi bigeze gukoresha indege ntoya bashaka gutera ubwoba. Gusa ibi babikoreye i Paris mu Bufaransa.

KANDA HANO UREBE VIDEOS UTASANGA AHANDI