Bill Gates arimo kotswa igitutu, habonetse undi muherwe ubasha kumurusha akayabo

Chief Editor | 9-09-2016
Bill Gates arimo kotswa igitutu, habonetse undi muherwe ubasha kumurusha akayabo

Amancio Ortega, umuherwe ukomoka mu gihugu cya Esipanye washinze uruganda rukora inkweto n’imyenda rwitwa Zara, yaciye agahigo ku kubasha kuba umuherwe wa mbere ku isi yose ufite akayabo katarabasha kubonwa n’undi muntu kuri uyu mubumbe, ibi akaba yabigezeho nyuma yo guca kuri Bill Gates, nyir’uruganda rukora porogaramu za mudasobwa ruzwi nka Microsoft wari umaze imyaka ayoboye abandi baherwe. Gusa uyu muherwe ntiyamaze umwanya munini kuri iyi ntebe, kuko Bill Gates yahise amwigaranzura.

Ikinyamakuru kabuhariwe mu gukora intonde, Forbes Magazine, kivuga ko kuwa Gatatu tariki 7 no kuwa Kane tariki 8 Nzeri 2016, umuherwe Amancio Ortega yabashije kuyobora abandi baherwe bose ku isi n’umutungo wa miliyari 79.5 z’amadolari mu gihe Bill Gates yari afite miliyari 78.5 z’amadolari, ibi akaba yarabigezeho nyuma yo kwinjiza mu buryo butunguranye akayabo ka miliyari 1.7 y’amadolari.

Igitangaje kurushaho ariko, ni uko mu gitondo cyo kuri uyu wa Gatanu tariki 9 Nzeri 2016, Bill Gates yahise amwigaranzura mu mutungo, akongera kuyobora uru rutonde amaze imyaka 15 ayoboye.

JPEG - 85.8 kb

Amancio Ortega w’imyaka 80 y’amavuko, usanzwe ari n’umuherwe wa mbere ku mugabane w’u Burayi atuye mu mujyi wa La Coruna muri Espagne, akaba yaratangiye ubucuruzi akoresjeje atageze ku madolari 100. Yatangiye ubucuruzi afatanyije n’umugore we Rosalia Mera, mu mwaka w’1975 bakaba ari bwo bashinze uruganda rwa Zara rwamamaye mu gukora inkweto n’imyenda. Gusa nyuma baje gutandukana.

KANDA HANO UREBE VIDEOS UTASANGA AHANDI