Hafashwe abagabo bari bibye inka za Perezida Yoweri Museveni

Chief Editor | 11-09-2016
Hafashwe abagabo bari bibye inka za Perezida Yoweri Museveni

Abagabo batatu batawe muri yombi muri Uganda bashinjwa kwiba inka z’umukuru w’igihugu, Perezida Yoweri Museveni.

Igipolisi cya Uganda, kivuga ko abo bagabo bavanye izo nka za Perezida Yoweri Museveni mu isambu ye iri hagati muri Uganda aho afite amashyo menshi y’inka z’inyambo.

Perezida Museveni afite inka nyinshi, abanyacyubahiro benshi bamusuye ajya kuzibereka

BBC ivuga ko izo nka za Perezida zibwe n’abo bagabo, bari bazijyanye ku isoko kuzigurisha ariko ntibibahire kuko byarangiye bafashwe. Daily Monitor yo ishimangira ko uretse izi nka eshatu zari zibwe, umwe mu bafashwe wakoraga mu rwuri rwa Perezida yiyemereye ko amaze igihe kirekire yiba inka z’umukuru w’igihugu akazigurisha.

Perezida Museveni ukomoka mu muryango w’aborozi b’inka, akunda kenshi kujyana abashyitsi bakomeye bavuye mu mahanga gusura inka ze.

Perezida Museveni uzwiho gukunda inka, yanagabiranye na Perezida Paul Kagame w’u Rwanda

Perezida Yoweri Museveni umaze imyaka irenga 30 ayobora igihugu cya Uganda, yavuze kenshi ko ashaka kuzaba umushumba w’inka ze najya mu kiruhuko k’izabukuru.

KANDA HANO UREBE VIDEOS UTASANGA AHANDI