Kenya: Umwarimu yakatiwe gufungwa imyaka 90 azira guhohotera abana

Chief Editor | 17-06-2016
Kenya: Umwarimu yakatiwe gufungwa imyaka 90 azira guhohotera abana

Umwarimu wo mu mashuri abanza mu gihugu cya Kenya, yakatiwe n’urukiko igifungo cy’imyaka 90 azira ihohoterwa rishingiye ku gitsina yakoreye abana 10 b’abanyeshuri yari ashinzwe kurera.

Uyu mwarimu w’imyaka 23 y’amavuko, yitwa John Gichia Mugi, akaba agomba kujya muri gereza akazavamo afite imyaka 113. Arazira kuba yarahohoteye abana 10 b’abahungu bo mu kigo kitwa Kiharu, hagati ya Mutarama na Gicurasi 2015.

Nk’uko ikinyamakuru Daily Nation kibivuga, abo bana b’abahungu bari hagati y’imyaka 13 na 16, batanze ubuhamya mu rukiko ko John Gichia Mugi yajyaga abakorakora ku bitsina akanabasoma. Uyu mwarimu yahawe igifungo cy’imyaka 9 kuri buri umwe muri aba bana yahohoteye, igiteranyo cy’imyaka agomba gufungwa gihita kigera ku myaka 90.

Jesse Masiga, umucamanza wakatiye uyu mwarimu, yamubwiye ko yapfushije ubusa icyizere yari yaragiriwe n’ababyeyi ndetse n’abayobozi be, agahohotera abana b’abahungu yagombaga kurera.

Uyu mwarimu ariko yahakanye ibyaha arega, avuga ko imyizerere ya gikiristu itari gutuma akora ayo mahano, ndetse ashimangira ko abo banyeshuri babikoze ku kagambane n’abarimu bamwe batamukundaga. Gusa ibizamini byo kwa muganga, byagaragaje ko abo bana bahohotewe.

KANDA HANO UREBE VIDEOS UTASANGA AHANDI