MU MAFOTO: Ihere ijisho ubuzima butangaje bw’abo mu bwoko bw’aba Suri muri Ethiopia

Chief Editor | 4-10-2016
MU MAFOTO: Ihere ijisho ubuzima butangaje bw’abo mu bwoko bw’aba Suri muri Ethiopia

Bimwe mu bihugu bitandukanye ku isi, bikomera cyane ku muco n’imigenzo gakondo yabyo yo mu myaka yo hambere. Bamwe muri abo, ni abaturage bo mu bwoko bw’aba Suri muri Ethiopia, aho bacyubahiriza umuco n’imigenzo idasanzwe y’abakurambere babo.

JPEG - 216.5 kb

Abagabo bo muri ubu bwoko, bakora igikorwa kidasanzwe cyo kurwana bita "Donga", iyi ikaba ari yo nzira abagabo bagiye gushaka abagore bakoresha, utsinze mugenzi we akaba yahita yemerwa n’umugore ako kanya, kuko aba agaragaje ko ari intwari.

JPEG - 202.5 kb

Aba bagabo, barwana bambaye utwenda twambika igice gito cyane cy’umubiri, ndetse bamwe bakanarwana bambaye ubusa buri buri. Si ukurwana by’imikino, kuko bamwe baba bashobora gukomeka ndetse hakabaho n’ababigwamo bakahatakariza ubuzima.

JPEG - 117.6 kb
JPEG - 187.4 kb

Uku kurwana bibera mu duce tuba dutuwe n’abo mu bwoko bw’aba Suri, buri gace kakaba kagizwe n’abaturage bashobora kugera ku 2500. Akenshi barwana imvura ihise kandi buri ruhande rw’abarwana ruba rugizwe n’itsinda ry’abantu bari hagati ya 20 na 30. Haba hari umusifuzi ucunga ko amategeko y’imirwano yubahirizwa, mu mategeko akomeye abamo hakaba irivuga ko bitemewe gukubita umuntu aryamye ku butaka.

JPEG - 129.3 kb
JPEG - 208 kb
JPEG - 175.9 kb
JPEG - 177.7 kb

Abaturage bo mu bwoko bw’aba Suri, bagiye baburana na Guverinoma ya Ethiapia yashyizeho amategeko akuraho iyi mirwano mu 1994 ariko aba bo bakaba batabikozwa, ndetse n’ubu bikaba bigikomeje.

JPEG - 141.9 kb
JPEG - 251.2 kb

Uretse iyi migenzo n’imihango ikorwa n’abagabo, abagore n’abakobwa bo mu bwoko bw’aba Suri nabo ntibatanzwe kuko bafite ibibagenewe. Aba bo baba bagomba gukora imigenzo yo gukwedura umunwa wabo ndetse n’amenyo abiri y’imbere agakurwa, ubundi bakajya bashyira ikintu kimeze nk’inkoko mu kanwa, ibi bikagaragaza uburanga. Mu gihe cyo gusaba no gukwa aba bakobwa, ubunini bw’umunwa bujyana n’umubare w’inka bazakwa uwo mukobwa.

JPEG - 125.5 kb
JPEG - 128.7 kb

KANDA HANO UREBE VIDEOS UTASANGA AHANDI