Marimar wavukanye isura idasanzwe, ntacibwa intege n’abamugereranya n’inkende – Amafoto

Rukundo Irené | 17-08-2016
Marimar wavukanye isura idasanzwe, ntacibwa intege n’abamugereranya n’inkende – Amafoto

Marimar Quiroa ufite imyaka 21 akaba yaravukiye muri Califonia, yavukanye ubumuga butuma mu maso ye habyimba cyane ndetse kurya no kuvuga bikaba ari ingorabahizi kuri we. Ntabwo bimuca intege zo kumva ko ari umuntu kimwe n’abandi. Uyu mwangavu wavukanye ubu bumuga, kuri ubu asigaye ashyira amashusho ye ku rubuga rwa youtube afasha abantu kumva ko bagomba kwiyakira uko bari.

Akivuka yagiye abagwa kenshi kugirango barebe ko umutwe we wagabanuka, gusa ntabwo byakunze kuko ataje gukira burundu ariko ngo byamufashije kugabanya ukubyimba yari afite akivuka. Akiri muto ubu bumuga ntibwamworoheye na gato kuko yahoranaga ipfunwe kuburyo atabashaga kuba yajya aho abandi bana bari, ntiyajyaga mu muhanda kugirango yirinde guhura n’abantu benshi batamuzi. Kuri ubu ngo nta kintu n akimwe kikimutera isoni kuko yamaze kwiyakira kandi akaba avuga ko yishimira uko ameze ndetse asigaye afite abantu benshi bamukurikira ku rubuga afite kuri Youtube ari rwo anyuzaho amashusho afata ashaka gutanga ubutumwa ku bantu bamukurikira.

JPEG - 103.4 kb

Hari benshi batishimira uko bavutse kandi na Marimar nawe akiri muto niko yari ameze, ntiyigeze abyishimira ariko kuri ubu aratuje. Avuga uko abyakira yagize ati: ” Kuri njye ubwiza ni ukwakira uwo uri we kandi ukima amatwi ibyo abantu bakuvugaho, ukerekana ubwiza bwawe uko buri n’iyo waba ufite isura itandukanye n’iy’abandi, ugomba kwemera uko uri. Nkivuka navukanye umutwe munini, najyanywe ku baganga inshuro nyinshi bambaga kugirango bigabanuke bigere aho mera uko ubungubu meze.”

JPEG - 55.4 kb

Umubyeyi ubyara Marimar witwa Maria, we yabwiye Daily Mail ko ahora abwira umukobwa we ko agomba gukora icyo ashaka ndetse ngo uyu mukobwa akaba yarabwiye Maria umubyara ko yifuza kujya atemberera mu bice bitandukanye kugirango abere urugero abitinya kuko bafite ubumuga ubwo aribwo bwose, ngo ndetse akomeza kugenda aha Imana icyubahiro kuba ari muzima kandi akaba afite imbaraga zimufasha gukora ibyo akora bya buri munsi.

JPEG - 44.7 kb

Ubungubu Marimar afite abantu bagera kuri miliyoni 5 bamukurikira ku rubuga rwe rwa blog rukorera kuri youtube arirwo rumufasha kuganira na bo kuko mu kuvuga akoresha ururimi rw’ibimenyetso. Buri gihe iyo ashyize videwo ze kuri youtube agenda yakira ubutumwa abamukurikira bmugezaho, gusa we icyo avuga ngo ni uko ubutumwa bumwe buza bumushyigikira, ubundi bukaza bumuca intege, kandi si kuri youtube gusa ngo no mu nzira bamwe bavuga ko ameze nk’inkende gusa we ntabwo abitaho ahubwo ashimira Imana ikimutije umwuka wo guhumeka. Marimar yakomeje avuga ko we yumva azasezerana akagira urugo kandi ko azabaho neza.

JPEG - 42.2 kb
JPEG - 92.2 kb
JPEG - 80.3 kb
JPEG - 47.3 kb
JPEG - 83.3 kb
JPEG - 70.7 kb
JPEG - 49.8 kb

KANDA HANO UREBE VIDEOS UTASANGA AHANDI