Minisitiri yahamije ko Abagande bakunda imibonano mpuzabitsina kurusha ibiryo

Chief Editor | 19-10-2016
Minisitiri yahamije ko Abagande bakunda imibonano mpuzabitsina kurusha ibiryo

Minisitiri ushinzwe umuco n’imyitwarire muri Uganda, Simon Lokodo, yahamije ko abaturage ba Uganda bakunda imibonano mpuzabitsina kurusha uko bakunda ibiryo, ibyo bikaba biri mu bizamura ubwandu bw’agakoko gatera SIDA.

Minisitiri Simon Lokodo, ibi yabitangaje kuwa Mbere w’iki Cyumweru ubwo yakanguriraga abaturage kwirinda SIDA, ariko bikomeje gucicikana cyane mu bitangazamakuru no ku mbuga nkoranyambaga abantu babigarukaho. Minisitiri yavuze ko ubusanzwe abagande bakunda imibonano mpuzabitsina kandi bakaba bemera bakayirutisha ibiryo.

Minisitiri Simon Lokodo yagize ati: "Muri Kampala, imibonano mpuzabitsina ikorwa nta kwiyubaha, ikorerwa ahabonetse hose, mu buryo ubwo ari bwo bwose, igihe cyose kandi uyikora akayikorana n’ubonetse wese, cyane cyane mu gihe cy’ikiruhuko cya saa sita aho abantu bahita bajya gukora imibonano mpuzabitsina mu macumbi (lodges) aho kujya kurya, bikundira imibonano mpuzabitsina kurusha ibiryo."

Uyu muyobozi agaragaza ko uburyo abantu bishora mu mibonano mpuzabitsina mu buryo batateguye kandi batitondeye, ari byo bituma icyorezo cya SIDA gikomeye kwibasira ubuzima bw’abagande benshi.

KANDA HANO UREBE VIDEOS UTASANGA AHANDI