Mustapha wahanutse mu igorofa akarusimbuka, agiye kujyanwa mu nkiko azira ibyamubayeho

Chief Editor | 21-09-2016
Mustapha wahanutse mu igorofa akarusimbuka, agiye kujyanwa mu nkiko azira ibyamubayeho

Umusore witwa Mustapha Lule ufite imyaka 17 uherutse guhanuka ku nyubako ndende iherereye mu mujyi wa Kampala ndetse abantu benshi bakabanza kwemeza ko yaba yarahise avamo umwuka, nyuma y’uko yorohewe akanasezererwa mu bitaro, ubu Polisi ya Uganda irashaka kumugeza mu nkiko, akisobanura ku cyaha cyo gushaka kwihahura akekwaho.


style="display:block"
data-ad-client="ca-pub-5056468503741966"
data-ad-slot="2194852936"
data-ad-format="auto">

Ubusanzwe Mustapha ni umuturage uvuka mu gace kitwa Katooke mu karere ka Wakiso. Ku gicamunsi cyo kuwa Gatandatu tariki 3 Nzeri 2016 yateye ubwoba abatari bake ubwo yamanukaga ku nyubako ndende izwi ku izina rya Mabirizi Complex yo muri Uganda. Nyuma yaho byagiye binugwanugwa ko yaba yarahise apfa ndetse nyuma Polisi itangaza ko yaba yaguye mu bitaro, gusa yajyanywe mu bitaro byitwa Mulango Hospital ndetse arimo yahawe ubuvuzi arasezererwa ubu arimo kwivuza ataha.

Uku niko uyu musore yabaye nyuma yo guhanuka mu igorofa

Umuvugizi wa Polisi y’umujyi wa Kampala, Kayima Emilian, yatangaje ko n’ubwo ibyabaye kuri Mustapha Lule bibabaje, amategeko nayo agomba gukurikizwa, uyu musore agakurikiranwaho icyaha akekwaho cyo gushaka kwiyahura.

Emilian Kayima yagize ati: "Nta muntu wemerewe kwiyambura ubuzima cyangwa kubwambura undi. Lule azajyanwa mu rukiko kuko yagerageje kwiyahura."

Ingingo ya 210 mu gitabo cy’amategeko ahana ibyaha muri Uganda, ivuga ko gushaka kwiyahura ari icyaha gihanwa n’amategeko, uwo gihamye akaba ahanishwa igifungo kitarengeje imyaka ibiri.

Umuvugizi wa Polisi y’umujyi wa Kampala, avuga ko n’ubwo ibyabaye kuri Mustapha Lule bibabaje, nta muntu ibibazo by’ubuzima bikwiye gutuma yiyahura. Avuga ko guhana uyu, bizabera abandi urugero bakamenya ko kwiyahura atari wo muti w’ibibazo baba bafite.

Uyu niwo muturirwa Mustafa yasimbutse ahereye hejuru ku gasongero

Uyu musore ariko we mu buhamya aherutse gutanga, yahakanye ko ibyamubayeho ari ukwiyahura. Aganira na Daily Monitor aho yari aryamye mu bitaro mu minsi ishize, Lule yasobanuye uko ibintu byose byamugendekeye, avuga ko nyuma yo kubura akazi aho yakoraga muri Kiyembe byaje gutuma agira kwibaza byinshi kuko ibyo yakoraga ari byo byari bimutunze. Yagize aiti: “Nari umudozi ariko mbona abakiriya bake cyane ndetse rimwe na rimwe nashoboraga kurangiza umunsi wose ntabonye n’itike injyana mu rugo. Mfite ibibazo byinshi mu muryango wanjye bituma rimwe na rimwe nicuza impamvu navutse n’ubwo ntabigizemo uruhare.”

Uyu Mustapha Lule akomeza avuga ko yagiye kuri iyi nzu ya Mabirizi Complex kugirango agire ugutuza muri we ndetse ngo afate n’akayaga kubera ibibazo yari yiriwemo uwo munsi, ndetse ngo ntiyigeze amenya ko birarangira amanutse hejuru yayo. Agira ati: Abantu baje kunsura hano mu bitaro nibo bambwiye uko byangendekeye. Kuri ubu ndicuza ku byabaye kandi ndasaba imbabazi kubo naba narateye uburibwe ndetse n’agahinda.”

Yikubise ku modoka nayo irangirika, bigaragaza ko yababaye bikomeye

Mustapha Lule yavuye mu ishuri ubwo yari ageze mu mwaka wa karindwi w’amashuri abanza, ni umwana wa kabiri mu bana b’iwabo kandi ngo yabanaga n’umuvandimwe we muri Katooke bakodesha icyumba kimwe. Avuga ko mu buzima bwe nta mukobwa w’inshuti yigeze agira kandi ko naramuka akize afite umugambi wo kugura imashini idoda ndetse agashinga ishuri ryigisha kudoda kugirango afashe urubyiruko kwivana mu bukene. Nyina umubyara witwa Namalula we avuga ko umuhungu we ari umunyamurava ngo ndetse akaba ahorana inzozi zo gutera imbere. Lule ngo aracyari muzima ariko aracyumva uburibwe bukabije mu mubiri kandi isura ye yarangiritse cyane ariko icyizere cy’uko azakira kirahari.

Nyuma yo kuva mu bitaro, uyu musore ni uku ameze

KANDA HANO UREBE VIDEOS UTASANGA AHANDI