Mustapha wahanutse mu igorofa bikavugwa ko yapfuye, yasobanuye ibyamubayeho n’intandaro

Rukundo Irené | 8-09-2016
Mustapha wahanutse mu igorofa bikavugwa ko yapfuye, yasobanuye ibyamubayeho n’intandaro

Mu mpera z’icyumweru gishize nibwo hatangiye gukwirakwizwa ku nkuta nkoranyambaga amashusho agaragaza uwitwa Mustapha Lule ufite imyaka 17 amanuka ku nyubako ndende iherereye mu mujyi wa Kampala ndetse abantu benshi baje kwemeza ko yaba yarahise avamo umwuka. Kuri ubu uyu musore akaba agitera akuka ndetse arimo guhabwa n’ubuvuzi. We ubwe yisobanuriye uko byamugendekeye kugirango amanuke kuri iyo nyubako ndetse avuga ko bitari ubwiyahuzi.


style="display:block"
data-ad-client="ca-pub-5056468503741966"
data-ad-slot="2194852936"
data-ad-format="auto">

Ubusanzwe Mustapha ni umuturage uvuka mu gace kitwa Katooke mu karere ka Wakiso. Ku gicamunsi cyo kuwa Gatandatu yatangaje ndetse anatera ubwoba abatari bake ubwo yamanukaga ku nyubako ndende izwi ku izina rya Mabirizi Complex yo muri Uganda. Nyuma yaho byagiye binugwanugwa ko yaba yarahise apfa ndetse nyuma Polisi itangaza ko yaba yaguye mu bitaro, gusa kuri ubu ari mu bitaro byitwa Mulango Hospital ndetse arimo arahabwa ubuvuzi kuko yagize ibikomere biteye ubwoba.

Uku niko uyu musore yabaye nyuma yo guhanuka mu igorofa

Akigezwa kwa muganga, Lule yajyanywe mu mashini ipima ibyerekeranye n’ubwonko biza kugaragara ko yagize uguhungabana nyuma yo kumanuka aho hantu ariko ngo amagufwa ye nta kibazo gikomeye yagize. Aganira na Daily Monitor aho yari aryamye mu bitaro, Lule yasobanuye uko ibintu byose byamugendekeye, avuga ko nyuma yo kubura akazi aho yakoraga muri Kiyembe byaje gutuma agira kwibaza byinshi kuko ibyo yakoraga ari byo byari bimutunze. Yagize aiti: “Nari umudozi ariko mbona abakiriya bake cyane ndetse rimwe na rimwe nashoboraga kurangiza umunsi wose ntabonye n’itike injyana mu rugo. Mfite ibibazo byinshi mu muryango wanjye bituma rimwe na rimwe nicuza impamvu navutse n’ubwo ntabigizemo ubushake.”

Uyu Mustapha Lule akomeza avuga ko yagiye kuri iyi nzu ya Mabirizi Complex kugirango agire ugutuza muri we ndetse ngo afate n’akayaga kubera ibibazo yari yiriwe mo uwo munsi ndetse ngo ntiyigeze amenya ko birarangira amanutse hejuru yayo. Agira ati: Abantu baje kunsura hano mu bitaro nibo bambwiye uko byangendekeye. Kuri ubu ndicuza ku byabaye kandi ndasaba imbabazi kubo naba narateye uburibwe ndetse n’agahinda.”

Mustapha Lule yavuye mu ishuri ubwo yari ageze mu mwaka wa karindwi w’amashuri abanza, ni umwana wa kabiri mu bana b’iwabo kandi ngo yabanaga n’umuvandimwe we muri Katooke bakodesha icyumba kimwe. Avuga ko mu buzima bwe nta mukobwa w’inshuti yigeze agira kandi ko naramuka akize afite umugambi wo kugura imashini idoda ndetse agashinga ishuri ryigisha kudoda kugirango afashe urubyiruko kwivana mu bukene. Nyina umubyara witwa Namalula we avuga ko umuhungu we ari umunyamurava ngo ndetse akaba ahorana inzozi zo gutera imbere. Lule ngo aracyari muzima ariko aracyumva uburibwe bukabije mu mubiri kandi isura ye yarangiritse cyane ariko icyizere cy’uko azakira kirahari.

KANDA HANO UREBE VIDEOS UTASANGA AHANDI