Niba wambara inkweto zizwi nka bodaboda, nutazireka kakubayeho

Chief Editor | 20-06-2016
Niba wambara inkweto zizwi nka bodaboda, nutazireka kakubayeho

Ubushakashatsi bwakorewe mu gihugu cy’u Budage, bwerekanye ko inkweto zikozwe muri pulasitiki mu Rwanda dukunda kwita bodaboda, zikozwe mu bintu bishobora gutera uburwayi bukomeye bwa kanseri zishobora kwibasira ibice bitandukanye by’umubiri w’umuntu.

Nk’uko urubuga sante-nutrition.org rubisobanura, abahanga mu bya siyansi (science) bakoze ubu bushakashatsi ku miguru 10 y’inkweto zikozwe muri pulasitiki, basuzuma ibizigize muri laboratwari maze baza gusanga zikozwe n’ibyitwa HAPs (Hydrocarbures aromatiques polycycliques) bigera kuri 60%, ibi bikaba bishobora gutera kanseri yibasira uturemangingo tw’umubiri w’umuntu.

Ibi bintu bibi cyane ku mubiri w’umuntu, bishobora kwinjira byoroshye mu ruhu bikanagera mu bice bitandukanye by’umubiri w’umuntu wambaye izi nkweto dukunda kwita bodaboda. Ubushakashatsi bugaragaza ko izifite ibara ry’umukara ari zo zateza cyane ibyago byo kwandura kanseri kurusha iz’andi mabara.

Aba bahanga bagaragaza ko kugirango byibuze umuntu agabanye ibyago byo kwandura kanseri binyuze mu kwambara izi nkweto, akwiye kuzambaramo amasogisi cyangwa byashoboka akazireka burundu kuko zishobora gushyira ubuzima bwe mu kaga.

SANGIZA ABANDI IYI NKURU HATAZAGIRA UGWA MU RUZI ARWITA IKIZIBA

KANDA HANO UREBE VIDEOS UTASANGA AHANDI