Nyuma y’imyaka 34 batabonana, abavandimwe babiri bongeye guhura

Rukundo Irené | 6-08-2016
Nyuma y’imyaka 34 batabonana, abavandimwe babiri bongeye guhura

Yin Xiaohui washimuswe afite imyaka 4 y’amavuko yonyine akagurishwa mu wundi muryango na ba rushimusi, yongeye guhura n’umuvandimwe we batandukanye bakiri bato. Yashimuswe mbere y’uko agira isabukuru y’imyaka itanu y’amavuko, ubwo yari hanze y’inzu babagamo mu ntara ya Sichuan mu mujyi wa Tongchuan mu gihugu cy’u Bushinwa.

Yin akimara gushimutwa, yagurishijwe mu ntara ya Henan mu gace kitwa Nanyang, gusa akaba yari abayeho mu buzima bwiza hamwe n’abo bantu bamureraga. Nyina wa Yin, akimara kubura umwan awe ntiyatuje kuko yiyemeje kuzenguruka intara yose ya Heran amushakisha ariko ntibyatinze kuko nyuma y’imyaka ine gusa nawe yaje kuburirwa irengero.

JPEG - 60.2 kb

Yin Xiaohui, wa kabiri uturutse iburyo yabaga mu muryango yagurishijwemo none yabonanye na musaza we nyuma y’imyaka 34

Yin yakuze akunda gusoma ibitabo birimo inkuru zivuga ku bantu bagiye babura ababyeyi babo ariko nyuma bakaza kubonana, biza kumutera gufata ingamba zo gutangira kwikoraho ubushakashatsi ngo amenye umubyeyi nyirizina umubyara. Umuvandimwe we Yin Bo, wasigaye ahanganye n’ibibazo byo mu rugo iwabo, ntabwo byamworoheye kuko yaje gushyingura se ubabyara wenyine ariko agakomeza kugira icyizere ko mama wabo ubabyara akiri muzima.

Nyuma y’imyaka 34 ariko, ibyari inzozi byaje kuba impamo, nyuma yo gukurikirana agakora ubushakashatsi bwimbitse ku bijyanye n’inkomoko ye, abasha kubona umuvandimwe we yaherukaga mu 1982.

Uku guhura kw’aba bavandimwe ntabwo kwari gupfa kubaho iyo hataza kubaho abakorerabushake bo mu muryango witwa Baobei Huijia(Baby come home) bivuga ngo mwana ngwino mu rugo. Uyu ni umuryango utegamiye kuri Leta, ufite inshingano zo guhuza imiryango yagiye itandukana. Yin ngo yaje guhura n’aba bakorerabushake bageragza kumuhuza n’umuvandimwe we Yin Bo nk’uko ikinyamakuru Daily Mail kibisobanura.

Nyuma yo kubonana, ubu ni ibyishimo kuri bose ndetse bakaba bakomeje intego yabo yogukomeza gushaka mama wabo ubabyara ngo barebe ko bazamubona.

KANDA HANO UREBE VIDEOS UTASANGA AHANDI