Nyuma yo gutangazwa nk’umukobwa mubi ku isi, yariyakiriye aterwa ishema n’uko ari - Amafoto

Rukundo Irené | 9-09-2016
Nyuma yo gutangazwa nk’umukobwa mubi ku isi, yariyakiriye aterwa ishema n’uko ari - Amafoto

Ubwo yari afite imyaka 17, Lizzie Velasquez yabwiwe ko ariwe mubi kurusha abandi, amashusho agenda agaragazwa ahantu henshi abantu bamubwira ko ari we mugore mubi ndetse ko bibaye byiza yakwiyahura kuko ateye ubwoba. Kuri uyu wa Gatanu yashyize ahagaragara icyegeranyo yise “Amateka ya Lizzie Velasquez” kigaragaza ubuzima bwe bwose.

Velasquez avuga ko ubwo yashyiraga amashusho ye ahagaragara agifite imyaka 17, atashakaga ko hagira abamubwira nabi ndetse ngo banamutuke. Impamvu yatumye akora icyo cyegeranyo ku buzima bwe ngo yashatse kwereka abantu ko bagomba kwishimira ababo uko baba bameze kose. Mu myaka icumi ishize nibwo yatangaje uburyo yatewe agahinda n’uburyo abantu bafashe video ye bakayiha umutwe uvuga ko ari we mubi kurusha abandi ku isi.

JPEG - 145.9 kb
JPEG - 80.9 kb

Akivuka yavukanye indwara ikunze kugaragara ku bantu bacye cyane ku isi hose, yitwa [neanatol progeroid syndrome] ituma imisemburo y’umuntu igira ibibazo bikaza gutera ingaruka zituma umuntu agaragara nk’ushaje kandi akiri muto. Ubu burwayi bwamuteye kugira isura igaragara nk’ishaje cyane, imikorere y’ubwonko nayo ikagabanuka n’ibiro bye bikagabanuka cyane. Kubera iyi ndwara ubungubu afite imyaka 52 ariko apima ibiro 30.

JPEG - 36.7 kb
JPEG - 34.3 kb

Aganira na Daily Mail yavuze ko n’ubwo yatotejwe cyane n’amagambo y’abantu kubera ukuntu agaragara, ngo kuri ubu biratandukanye kuko hari icyahindutse. Yagize ati: “Byarambabaje, ndakeka nawe ubwawe wishyize mu mwanya wanjye ubwo nabwirwaga ayo magambo ansebya hose wari kumva uburibwe naciyemo uko bungana. Byari biteye ubwoba, biteye agahinda. Nanjye ubwanjye siniyumvishaga ko nzongera kwiyakira ngo numve ko meze nk’abandi.”

JPEG - 1.6 Mb
JPEG - 126.9 kb
JPEG - 46.9 kb

Nyamara kwiyakira ntibyamutwaye igihe kirekire kuko ubungubu ngo agiye gukoresha ibyo byose yanyuzemo agaragaza ibyiza gusa. Lizzie afite inama nyinshi agira buri wese wumva ko hari ibyo acamo bimubangamiye aho agira at: “Inama ikomeye ni ukumva ko mu byo urimo atari wowe wenyine ku isi ubundi ukiyakira uko uri”.

JPEG - 91 kb
JPEG - 126 kb
JPEG - 31.5 kb

KANDA HANO UREBE VIDEOS UTASANGA AHANDI