AMAKURU

UKWEZI

Sobanukirwa ububi bwa Hepatite A, B, C, D na E, uko zandura n’uko wazirinda

Sobanukirwa ububi bwa Hepatite A, B, C, D na E, uko zandura n’uko wazirinda
20-06-2016 | By Chief Editor | Yasomwe n'abantu 11921 | Ibitekerezo 7

Indwara za virusi zibasira umwijima zizwi nka Hepatite (Hepatitis) ni zimwe mu zikomeje kwibasira ubuzima bw’abatari bacye ku isi yose. Kugeza ubu, habarurwa abagera kuri 250.0000.000 ku isi yose banduye Hepatite C naho abandi babarirwa muri 300.000.000 bibasiwe n’uburwayi bwa Hepatite B ari nazo zibasira benshi ariko hari na Hepatite A, Hepatite D na Hepatite E.

Indwara za hepatite A, B, C, D na E, ziterwa na virusi zibasira umwijima, zikaba ari indwara zitandukanye haba mu buryo zandura, ubukana bwazo n’uburyo bwo kuzirinda. Muri iyi nkuru, ikinyamakuru Ukwezi.com cyabakusanyirije ibijyanye n’izi ndwara zibasiye abatari bacye, n’abanyarwanda benshi bakaba bazirwaye nk’uko ubushakashatsi bwagiye bubigaragaza.

- Hepatite A

Hepatite A yandurira mu kurya ibiryo no kunywa ibinyobwa byanduye, ariko ishobora no kwandurira mu mibonano ikorerwa mu kibuno cyangwa mu kanwa. Uburyo bwo kuyirinda, icya mbere ni ukugira isuku; uzirikana gukaraba uvuye kwituma na mbere yo kurya.

Ni ngombwa kandi kurya imbuto n’imboga mbisi wabanje kubikuraho igishishwa cy’inyuma, byaba ari ibishoboka ku mboga ukazicanira mu mazi yabize igihe cy’umunota 1. Ugomba kandi kudakora imibonano yo mu kibuno cyangwa mu kanwa, ukirinda kunywa amazi adatetse cyangwa atatunganyirijwe mu ruganda.

Ushobora kandi no kwikingiza Hepatite A. Kugeza ubu urukingo rurahari rutangwa mu byiciro bitatu mu gihe cy’amezi 6 ukaba urinzwe imyaka 14 iyo rutewe uruhinja, cyangwa imyaka 25 iyo uri mukuru.

- Hepatite B

Hepatite B yandurira mu mibonano mpuzabitsina. Uburyo bwo kwirinda Hepatite B, ni bumwe n’ubwo kwirinda SIDA, wirinda gukora imibonano mpuzabitsina idakingiye.

Ushobora kandi kwikingiza Hepatite B ukabasha kubona urukingo rukurinda kuyandura, ndetse ubu hari urubasha gukingira icyarimwe Hepatite A na B. Mu gihe umubyeyi abyaye arwaye Hepatite B, umwana abyaye aba akwiye gukingirwa akivuka.

- Hepatite C

Hepatite C yandura ahanini binyuze mu guhura kw’amaraso y’uwayanduye n’utarayanduye. Gutizanya ibikoresho bishobora gukomeretsa cyangwa ikindi cyatuma amaraso ahura, umuntu ashobora kuhandurira iyi ndwara. Ububi bwa Hepatite C, ni uko kugeza ubu nta rukingo ifite n’ubwo hari urukirimo gukorerwa igerageza rya nyuma, gusa ishobora kuvurwa igakira.

- Hepatite D

Hepatite D, umuntu ashobora kuyandura gusa iyo yanduye na Hepatite B, bivuga ko mu gihe waba wirinze Hepatite B uba unirinze icyarimwe Hepatite D. Iyi ntabwo ifite umuti ndetse kugeza ubu ntiranabonerwa urukingo rwihariye ariko urukingo rwa Hepatite B rurahagije ngo ruyikurinde.

- Hepatite E

Hepatite E nayo yandurira ahanini mu kunywa amazi yanduye. Uburyo bwo kuyirinda ni kimwe n’ubwo kwirinda Hepatite A, ariko iyi nta muti igira nta n’urukingo n’ubwo itica.

Muri rusange ariko, n’ubwo Hepatite zimenyerewe kandi zikaze ari A, B, C, D na E, hariho na Hepatite G iterwa na virusi yihariye yitwa HGV, hanyuma hakaba n’izindi zihabwa izina rya Hepatite X, izo zikaba ziba zitandukanye n’izo zose zavuzwe haruguru.

ICYITONDERWA: Buri wese icyo asabwa, ni ukwisuzumisha kwa muganga akamenya uko ahagaze, yasanga ari muzima agahita yikingiza ariko yanasanga yaranduye agakurikiranwa n’abaganga. Ni byiza kandi ko buri wese yasangiza abandi ubu butumwa, kugirango dufatanye gusigasira ubizima bwacu n’ubw’abacu.


Tanga Igitekerezo
Ibitekerezo 7
Kv Kuya 10-08-2016

Epatite ifite urukingo ubu rwemewe rwavunye migerangezwa

Muzehe Matsiko Kuya 26-07-2016

None c my gusomana ho ntibyanduza hepatite? Ese iyo hepatite yandurirA mu gusomana yitwa gute?

MURAKOZE!

Ernestine Kuya 11-07-2016

Murakoze Cyane Kd Mukomeze Muhatubere.Muza Tubwire Numuti Wavura Hepatite D na E

Aphrodis Kuya 21-06-2016

Murakoze cyane kuduhugura ibya Hepatite mutabaye abantu benshi.

Aphrodis Kuya 21-06-2016

Murakoze cyane kuduhugura ibya Hepatite mutabaye abantu benshi.

Gatutsi Erneste Kuya 21-06-2016

Murakoze cyane turabashimiye rwose, gusa twabazaga niba mugihe usanze ufite Hepatite B wakoriki ? ese harumuti waba ugifashe kuburyo yashira cg ntivugwa nukwicara ugategereza uruphu. murakoze muzongere mudukorere ubushakashatsi mutubwire rwose. murakoze cayen.

Bosco Kuya 20-06-2016

Muralkoze cyane turabashimiye
Mfite ikibazo muzakimbarize iyo usanze urwaye Hepatite B hari umuti uyivura cg ntawo murakoze niba kandi uhari muzambwire muzaba mukoze

Bosco Kazura

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA