Umugabo yataye umugore we akora ubukwe na nyirabukwe none bombi baricuza

Chief Editor | 20-08-2016
Umugabo yataye umugore we akora ubukwe na nyirabukwe none bombi baricuza

Umugabo wataye umugore bashakanye akarongora nyirabukwe, yamaze kubona ko yakoze amakosa ndetse arashaka gusaba gatanya agatandukana n’umukecuru wari nyirabukwe akaza kumubera umugore, akaba mukeba w’umukobwa yibyariye.

Uyu mugabo witwa Suraj Mahto w’imyaka 22 y’amavuko, ni uwo mu guhugu cy’u Buhinde mu gace kitwa Puraini. Muri Kamena uyu mwaka, yataye umugore we witwa Lalita ashakana na nyina w’uwo mugore we witwa Asha Devi w’imyaka 42 y’amavuko.

Intandaro y’urukundo rw’umukwe na nyirabukwe, yaturutse ku burwayi bw’uyu mugabo Suraj Mahto yagize mu mwaka ushize wa 2015, aza kwitabwaho cyane na nyirabukwe ubwo yari arwaye, bituma bakundana urukundo rusanzwe ari nk’amahano mu miryango. Nyuma y’uko umugabo yari amaze koroherwa, nyirabukwe yasubiwe iwabo ariko bakomeza kuzajya bavugana kuri telefone, kugeza ubwo na Lalita yaje kubavumbura yiyama nyina ariko amubera ibamba.

Se wa Lalita ari nawe sebukwe wa Suraj Mahto wari usanzwe akorera mu murwa mukuru w’u Buhindi, New Delhi, nawe yamenye iby’uko agiye gusenyerwa n’umukwe we ariko ananirwa kubihagarika, ndetse Suraj Mahto na Asha Devi bakomeza urukundo rwabo kugeza ubwo tariki ya Mbere Kamena uyu mwaka banakoze ubukwe mu gace kitwa Dhamdaha, cyane ko bombi abo bari barashakanye mbere babanaga mu buryo butemewe n’amategeko.

Nyuma y’amezi abiri ariko babana, bombi bamaze kubona ko bakoze amakosa akomeye nk’uko ikinyamakuru Daily Mail dukesha iyi nkuru kibivuga. Suraj Mahto asobanura ukwicuza kwe yagize ati: "Maze kubona ko nakoze ibintu birimo ubucucu n’ubusazi. Narakosheje cyane ariko ntabwo nzabyongera ukundi. Ubu sinkimufata nk’umugore wanjye, ahubwo natangiye kumufata nka mama."

Akomeza avuga ko ateganya kuzajya gusaba Lalita imbabazi akamupfukamira, bakongera kubana bagafatanya kurera umwana w’umuhungu bafitanye. Nyirabukwe Asha Devi akaba ari n’umugore we guhera mu mezi abiri ashize, nawe yivugira ko yicuza. Yagize ati: "Sinkimufata nk’umugabo wanjye, ahubwo mufata nk’umukwe wanjye. Twamaze gusaba urukiko ko rwaduha gatanya, tugatandukana ngasubirana n’umugabo wanjye wa mbere."

KANDA HANO UREBE VIDEOS UTASANGA AHANDI