AMAKURU

UKWEZI

Umugore waciwe ibiganza n’umugabo we amuziza kutabyara agiye gufashwa

Umugore waciwe ibiganza n’umugabo we amuziza kutabyara agiye gufashwa
2-09-2016 | By Chief Editor | Yasomwe n'abantu 6762 | Ibitekerezo 6

Umugore w’imyaka 27 y’amavuko witwa Jackline Mwende wo mu gace ka Masii muri Kenya, mu mpera z’ukwezi kwa Nyakanga yaciwe ibiganza byombi anatemagurwa mu mutwe n’umugabo we bamaze imyaka 7 bashakanye, amuziza kuba muri iyo myaka yose yarabuze urubyaro. Ubu ariko uyu mugore agiye gufashwa haboneke maboko y’amakorano azajya amufasha gukora utuntu ducye tworoheje.

Jackline Mwende yabwiye ikinyamakuru Daily Nation, ko tariki 24 Nyakanga 2016 ari bwo umugabo we witwa Stephen Ngila Thenge w’imyaka 34 yamutemye amaboko yombi ibiganza akabikuraho akoresheje umuhoro, hanyuma akanamutera ibindi bikomere mu mutwe, nta n’ikosa rindi yakoze uretse kuba amaze imyaka 7 atarabasha gusama ngo babyarane umwana.

JPEG - 47.8 kb

Jackline Mwende avuga ko umugabo we yamutemye n’ubundi bamaze amezi abarirwa muri atatu batakibana, kuko n’ubundi yamutotezaga amuziza kuba atabyara. Gusa avuga ko atiyumvisha impamvu umugabo we yamukoreye ubu bugome, nyamara bari baragiye kwa muganga bakababwira ko umugabo ari we ufite ikibazo.

JPEG - 67.9 kb

Yagize ati: "Ntabwo nshobora kumva ukuntu ari njye arenganya, kandi twari twaragiye kwa muganga umwaka ushize, abaganga bakavuga ko ari we ufite ikibazo, ariko nabwo bari bamwijeje ko gishobora gukira."

JPEG - 71.5 kb

Akomeza agira ati: "Yari yarataye urugo mu mezi atatu ashize, aza kuza ari ku Cyumweru tariki 24 z’ukwezi kwa Karindwi ahagana saa mbiri n’igice z’ijoro. Namaze kumufungurira urugi, arambwira ngo uyu munsi niwo munsi wawe wa nyuma, ubwo ahita atangira kuntemagura n’umupanga."

Jackline Mwende akomeza avuga ko yahise asakuza atabaza abaturanyi, umugabo yakumva baje agahita atoroka agacika. Bamujyanye ku bitaro by’ahitwa Machakos atangira kuvurwa, avayo kuwa Gatanu tariki 29 Nyakanga 2016, ariko akazakomeza kwivuza ari mu rugo.

JPEG - 63 kb

Stephen Ngila Thenge wahemukiye umugore we, yatawe muri yombi tariki 25 Nyakanga 2016, afatirwa mu mujyi wa Machakos aho yari yahungiye. Jackline Mwende we ubu arimo kwitabwaho n’ababyeyi be, kandi bavuga ko uko bizagenda kose umukwe wabo agomba guhanwa by’intangarugero.

Hagati aho ariko uyu mugore yamaze kubona abagiraneza bamugurira amaboko y’amakorano, akaba agomba kujyanwa mu gihugu cya Korea y’Amajyepfo aho biteganyijwe ko azagera tariki 10 z’uku kwezi kwa Nzeri, akamara iminsi ibarirwa mu 10 akorerwa ubuvuzi buzatuma ashyirwaho amaboko azajya amufasha gukora utuntu ducye tworoheje.

JPEG - 62 kb

Tanga Igitekerezo
Ibitekerezo 6
Thomas Kuya 4-09-2016

Uwo mugome nahamwe byintangarugero, kandi nundi wese wagira ibitekerezo bibi gutyo nagarukiraho , ndamugaruye (ndamubujije gukora ubugome nkubwo) nkuko malayika yaburije munzira Balamu agiye kuvuma ubwoko bw’Imana nanjye ndababujije, ubwo yamuhoye iki kandi doctor yaramubwiye ko ariwe utabyara? kandi ko bshoboka nyuma yo kwivuza? ndagira buri famille zimaze igihe zitarabona umwana mwere kwirwanirira Imana niyo Itanga urubyaro, ndangije nifuriza uwo mupagani agakiza ,Imana rwose imutabare imuhere ubuntu nawe azicuze icyo yakoze, kandi azasabe Imbabazi , gusa twihanganishije umuryango wuwo mugore ni bakomere Imana ibabe hafi.

Thomas Kuya 4-09-2016

Uwo mugome nahamwe byintangarugero, kandi nundi wese wagira ibitekerezo bibi gutyo nagarukiraho , ndamugaruye (ndamubujije gukora ubugome nkubwo) nkuko malayika yaburije munzira Balamu agiye kuvuma ubwoko bw’Imana nanjye ndababujije, ubwo yamuhoye iki kandi doctor yaramubwiye ko ariwe utabyara? kandi ko bshoboka nyuma yo kwivuza? ndagira buri famille zimaze igihe zitarabona umwana mwere kwirwanirira Imana niyo Itanga urubyaro, ndangije nifuriza uwo mupagani agakiza ,Imana rwose imutabare imuhere ubuntu nawe azicuze icyo yakoze, kandi azasabe Imbabazi , gusa twihanganishije umuryango wuwo mugore ni bakomere Imana ibabe hafi.

jenny Kuya 3-09-2016

Mbega umugabo gito Mana uzamuhane cyane ububabare yateje mugenzi we nawe azabwumve.

jenny Kuya 3-09-2016

Mbega umugabo gito Mana uzamuhane cyane ububabare yateje mugenzi we nawe azabwumve.

fifi Kuya 2-09-2016

Uyu mubyeyi yihangane,ngo utishwe ni narabyaye yicwa ni narashatse!ahuye numugabo w’ikigoryi

mimi Kuya 2-09-2016

Mbega ubugome ngo burafata intera! Uwo mugabo ahanwe byintanga rugero

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA