Umukecuru w’imyaka 68 yafunzwe azira kwifunga umugabo w’abandi w’imyaka 30

Chief Editor | 3-08-2016
Umukecuru w’imyaka 68 yafunzwe azira kwifunga umugabo w’abandi w’imyaka 30

Polisi yo mu gace ka Mukura mu gihugu cya Uganda, yataye muri yombi umukecuru w’imyaka 68 y’amavuko, nyuma y’uko umugore w’imyaka 24 atanze ikirego avuga ko uyu mukecuru yamutwariye umugabo bamaranye imyaka 7.

Uyu mukecuru witwa Ketula Apolot, amaze igihe afitanye umubano wihariye n’umugabo witwa Cooper Olaboro w’imyaka 30, usanzwe afite umugore basezeranye kubana byemewe n’amategeko witwa Christine Iyogil w’imyaka 24.

Christine Iyogil yatanze ikirego kuri Polisi avuga ko uyu mukecuru yamutwariye umugabo, anarega uyu mugabo we kutuzuza inshingano z’urugo, akamutana abana batatu babyaranye.

Christine yabwiye ikinyamakuru The New Vision ko amaze imyaka 7 abaho mu buzima bugoye, kuko umugabo we agenda akamara igihe kirekire yarataye urugo akajya gukundwakaza uwo mukecuru witwa Ketula Apolot, yataha akagera mu rugo amucecekesha n’umuhoro.

Christine akomeza avuga ko uyu Ketula Apolot ava iwabo ahitwa Malera akajya gukodesha icyumba mu gace k’ubucuruzi ka Mukura, aho amarana igihe gisaga ibyumweru bitatu n’uyu mugabo utari uwe.

Polisi ya Mukura ivuga ko yafashe icyemezo cyo guta muri yombi uwo mukecuru n’umugabo w’abandi yatwaye, ariko uwo mukecuru akisobanura avuga ko umugabo ari we wagiye kumusaba ko bakundana nawe akabyemera, n’ubwo amategeko ya Uganda ibi abifata nk’icyaha. Aba bombi ariko basabye ko bababarirwa bagahita bahagarika iby’umubano wabo, ndetse Apolot yemera gutanga ihazabu y’amashilingi ya Uganda 90.000.

KANDA HANO UREBE VIDEOS UTASANGA AHANDI