Umukobwa yahishuye ko igice kinini cy’umubiri we kigizwe n’uruhu rw’abapfuye - Amafoto

Chief Editor | 16-08-2016
Umukobwa yahishuye ko igice kinini cy’umubiri we kigizwe n’uruhu rw’abapfuye - Amafoto

Alexandra Hollingsworth, umukobwa w’imyaka 18 y’amavuko ukomoka muri Memphis muri Leta Zunze Ubumwe za Amerika, yahishuye ko igice cy’uruhe rwe kigera kuri 52 % kigizwe n’ibisigazwa byavuye ku mubiri w’abapfuye, nyuma y’impanuka ikomeye cyane yakoze umubiri we ukangirika bikomeye.

Alexandra Hollingsworth, agaragaraho inkovu nyinshi z’ubushye yagize mu myaka yashize, zigatwara igice kinini cy’uruhu rwe ndetse agakorerwa ibikorwa byihariye by’ubuvuzi (Operations) inshuro zirenga 20 kugirango abashe kongera gusubirana isura ya kimuntu. Guhera ku isura, amaguru, amaboko, umugongo, inda n’ibindi bice by’umubiri we, atunzeho uruhu rw’abantu atazi ndetse batakinariho kuko uruhu rwe rugera kuri 52% yaruhawe n’abaganga barukuye ku bandi bantu babaga bapfuye.

JPEG - 142.2 kb

Alexandra yari asanzwe afite umubiri uzira ubusembwa, ariko mu mwaka wa 2010 ubwo yari kumwe na musaza we David ndetse na mubyara wabo Benjamin iwabo mu rugo ababyeyi bagiye ku kazi, bakinishije gutwika inzoga zikaze bisa no kwishimisha, biza kuvamo impanuka ikomeye yibasiye cyane Alexandra. Mubyara we yabashije guhunga ntacyo abaye ariko musaza we David nawe arakomereka bidakabije.

JPEG - 138.8 kb

Nyuma yo kugezwa kwa muganga, Alexandra Hollingsworth wari wangiritse umubiri wose yakurikiranywe n’abaganga ndetse yitabwaho bikomeye abasha kuzanzamuka n’ubwo byatwaye igihe kandi hagasabwa guterateranya uruhu ruvuye ku mubiri w’abapfuye ngo abashe kubaho. Uyu mukobwa yabwiye Daily Mail dukesha iyi nkuru ko ashimira Imana cyane yamufashije akabasha kurokoka iyi mpanuka.

JPEG - 85.2 kb

Aha yari kwa muganga aho icyizere cyo kongera kubaho cyari hasi cyane

JPEG - 130.6 kb
JPEG - 110.5 kb
JPEG - 109.1 kb

N’ubwo benshi badashobora kubyibwira, uyu mukobwa yahishuye ko uruhu rwe runini arukesha abapfuye

KANDA HANO UREBE VIDEOS UTASANGA AHANDI