Umupasiteri yishwe n’inzara nyuma yo gushaka kumara iminsi 40 asenga yiyiriza ubusa

Chief Editor | 8-08-2016
Umupasiteri yishwe n’inzara nyuma yo gushaka kumara iminsi 40 asenga yiyiriza ubusa

Umupasiteri wo mu gace ka Ubungo mu mujyi wa Dar es Salaam muri Tanzania, yapfuye yishwe n’inzara nyuma yo kugerageza kumara iminsi 40 yiyiriza ubusa yigana Yesu Kristu.

Fred Mwarusi w’imyaka 45 y’amavuko, yabonywe n’abaturanyi be yapfuye mu cyumweru gishize, aba baturanyi bakaba barabwiye ikinyamakuru Amani ko uyu muvugabutumwa yari yikingiranye mu nzu ye ngo akore amasengesho y’iminsi 40 yiririza, ngo abashe gukira uburwayi yari afite.

Abaturanyi n’abayoboke b’itorero rya Fred Mwarusi, bari bamugiriye inama yo kujya kwa muganga akivuza uburwayi yari afite ariko we ababwira ko kwizera n’amasengesho ye bizamukiza.

Yavugaga ko agiye kumara iminsi 40 asenga kandi atarya Imana ikazamukiza, biza kurangira inzara imuhitanye, kwizera kwe n’amasengesho ntibyamukiza nk’uko yabyizezaga abaturanyi.

KANDA HANO UREBE VIDEOS UTASANGA AHANDI